Kiraŭnik sinadalnaha Adździeła pa ŭzajemaadnosinach carkvy i hramadstva protaijerej Usievaład Čaplin zajaviŭ, što ŭ asobnych vypadkach uviadzieńnie śmiarotnaha pakarańnia mahčyma, ale lepš abychodzicca bieź jaho.
kazan-mitropolia.ru
«Lepš abychodzicca bieź śmiarotnaha pakarańnia, ale byvajuć situacyi, kali pahrozy hramadstvu zanadta mocnyja i jano moža abaraniać siabie, u tym liku, takim čynam», — skazaŭ śviatar.
Jon nahadaŭ, što śmiarotnaje pakarańnie pryznavałasia ŭ Starym Zapaviecie, a ukazańniaŭ na nieabchodnaść jaje admieny niama ni ŭ Novym Zapaviecie, ni ŭ Tradycyi i histaryčnaj spadčynie Pravasłaŭnaj carkvy.
Raniej siońnia, vystupajučy na sumiesnym pasiadžeńni Dziarždumy i Rady Fiederacyi, pryśviečanaj baraćbie z teraryzmam, lidar «Spraviadlivaj Rasii» Siarhiej Mironaŭ zaklikaŭ źniać maratoryj na prymianieńnie śmiarotnaha pakarańnia ŭ Rasii, i prapanavaŭ «u vyhladzie vyklučeńnia ŭstalavać u jakaści miery pakarańnia dla terarystaŭ i pamahatych, što zabiaśpiečvajuć dziejnaść bajevikoŭ, jakija ŭčynili terarystyčny akt, pakarańnie śmierciu».
Maratoryj na śmiarotnaje pakarańnie dziejničaje ŭ Rasii z momantu jaje ŭstupleńnia ŭ Radu Jeŭropy. U 1997 hodzie Maskva padpisała pratakoł №6 da Kanviencyi ab abaronie pravoŭ čałavieka i asnoŭnych svabod adnosna admieny pakarańnia śmierciu. Apošni śmiarotny prysud u Rasii byŭ pryviedzieny ŭ vykanańnie ŭ 1996 hodzie.
