fota Siarhieja Zinina
Vychodnyja pryniasuć u krainu pachaładańnie: daždžy źmienić mokry śnieh, na darohach źjavicca hałalodzica, dzie-nidzie ziamla pakryjecca śnieham. Pra heta aspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U subotu, 21 listapada, na bolšaj častcy terytoryi karotkačasovyja apadki, u asnoŭnym daždžy. U asobnych rajonach słaby tuman. Tempieratura pavietra minimalnaja nočču 0 — +5°S, maksimalnaja dniom 2 — +7°S.
U Minsku ŭ subotu čakajecca vobłačnaje nadvorje, karotkačasovyja daždžy, słaby tuman. Viecier pieramiennych napramkaŭ 3-8 m/s. Tempieratura pavietra na praciahu sutak 3 + 5°S.
U niadzielu, 22 listapada, adabjecca ŭpłyŭ aktyŭnych atmaśfiernych frantoŭ, jakija pieramiaščajucca z paŭdniovaha zachadu Jeŭropy. Nočču miescami, dniom na bolšaj častcy terytoryi karotkačasovyja apadki, mahčymy mokry śnieh. U asobnych rajonach tuman, słaby hałalod. Tempieratura pavietra minimalnaja nočču -3 — +4°S, pa poŭnačy da -5°S; maksimalnaja dniom -1 — +4°S, pa poŭdni da +6°S.
U Minsku ŭ niadzielu dniom karotkačasovyja apadki, u asnoŭnym mokry śnieh, słaby tuman. Tempieratura nočču kala 0, dniom 1 — +3°S.
U pačatku nastupnaha tydnia nadvorje buduć farmavać atmaśfiernyja franty i prachałodnyja pavietranyja masy, jakija pastupajuć z poŭnačy Jeŭropy, tempieratura jašče panizicca, a apadki buduć vypadać u asnoŭnym užo ŭ vyhladzie śniehu.
U paniadziełak, 23 listapada, miescami karotkačasovy śnieh, mokry śnieh. Nočču i ranicaj u asobnych rajonach słaby tuman i hałalod. Tempieratura pavietra minimalnaja nočču 0 — -6°S, pa poŭdni da +2°S; maksimalnaja dniom -2 — +4°S.
