Na Uschodzie bieź pieramienaŭ
Chłopcu ŭ zialonaj kašuli,
choć nie viedaju, ci žyvy jon jašče
Ja skažu vam niešta važnaje
na Uschodzie bieź pieramienaŭ
I ja bačyła chłopca ŭ zialonaj kašuli
sa zbrojaj
u zialonym nie nadziei ale na śmiarotnuju metu
a ja chacieła b być niabačnaj
na linii ahniu
i maje žaleznyja dałoni
kuli ŭstrymajuć
abaraniajučy hałovy svaich synoŭ
z hetaha
i z druhoha boku
jašče žyvyja
jašče žyvyja
palać cyharety, adčuvajuć hoład
jaduć tannuju kansiervu
cisnuć ich ćviordyja čaraviki
nyjuć mazali na nahach
a na hrudziach fotazdymak
troški ŭžo pakamiačany
zaplamleny
nahadvaje
što jość kudyści viernucca
Jany da hetaha času žyvyja
śmiajucca
adkidvajučy vałasy
z potnaha łba
jašče žyvyja
i ŭsio jašče čutny śmiech
I raptam…
Załpy
sieryi z aŭtamataŭ
ja baču Matulu Kuraž
u hrazi i kryvi šukaje
stračanyja try hrošy
Hladzi, tam śvieciać zołatam
jana stanovicca na kaleni
rukavom vyciraje
a kroŭ jašče nie vysachła
Try hrošy
Boh Trojcu lubić
i Śviet lubić zołata
i bliščać hrošy ŭ jaje rukach
Idzicie za mnoj maje dzieci
miłyja synočki
i jany iduć miortvyja i biełyja
nočču ŭ poŭniu
u zaplečnikach niasuć mary
ni adna ź ich nie zbudziecca
i atrady ich
z hetaha
i z druhoha boku
miłyja synočki tysiačaŭ Maci
pierachodziać hrań
za ruki trymajucca
z hetaha
i z druhoha boku
Hetyja lažać u purpurnaj łužynie
biez hałoŭ, ruk, noh i vydranych sercaŭ
A tyja, spalenyja ŭ bolu i kurčach
i smurodzie ad palenych cieł
addadzienych połymiu
i dziŭnaja Muzyka
Tolki jany jaje čujuć
tamu što Śviet svajoju mudraściu
nie bačyć
nie čuje
nie havoryć
Ale ja chacieła b być jak niabačnaja
Pjeta
tam siarod tysiačy miotrvych ciełaŭ
hałovy, nohi i ruki
bolš, bolš, bolš
z hetaha
i z druhoha boku
Chadzicie za mnoj synočki
u pracesii biełaj i supolnaj
kulhavych i niamohłych biez hałoŭ
mužčyny, žančyny, dzieci
I chto ž tut, u hetym Śviecie
Vas pastaviŭ nasuprać adzin adnaho
z hetaha
i z druhoha boku
a ja chacieła b być niabačnaj
tamu što mnie soramna
za Vas i za Nas
śmiech i vino
ciapło, haračuju stravu i chleb
tamu što tolki Płaščanica
nas padzialaje
naradžajučy hetyja Piekły i Niabiosy
a ja idu pa hrani
i čuju
Vialikuju, vielizarnuju Cišyniu
Na Uschodzie bieź pieramienaŭ
ale ja chacieła b być niabačnaj
i matčynymi rukami
prytulać hałovy synočkaŭ
z hetaha
i z druhoha boku
Tamu što kali pamiraje dzicia
cicha šepča
Mama
13 krasavika 2015 h.
Kraŭcy i Šaŭcy
Voś, pašyli mnie čornuju kašulu…
Kraŭcy kažuć
pryhožaja
padychodzić jak palčatka
Ale nie vymiarali
z Dušy i cieła
nie prymieryli
Tak pa čutkach… šyli
Voś, Kraŭcy małajcy
Ja pakorliva nadzieła
apranuła cieła
i… našu jak Kryž
ciarpliva
Rukavy karatkavaty
kaŭnier zaciahvaje piatlu
ciśnie šyju
zanadta vialikaja, možna zhubicca ŭ joj
i prapaści
Voś, mianie ŭžo amal niama…
Čornaja i doŭhaja kašula
Ledź bačny abutak
małajcy Šaŭcy viesialacca
Ciažkija boty
padkavanyja śvincom
I jak heta tak…
pakarać hory
1 lipienia 2015 h.
Lampačka
Šachciorskaj Bracii i tym Siabram-Šachcioram,
jakija ŭ marozny zimovy viečar 2013 hoda
ŭ Vałbžychu zaprasili mianie da svajho stała,
padzialiŭšysia sa mnoj apłatkaj
I lampaj mnie pryśviečvaj Hospadzie
maleńkaj
kali zhasajuć maje vočy
u ciemry, dzie zdabyča vuhalu
i dasiahnieńni zastanucca
i ciapłom žyvuć
u ciemry
Ty Hospadzie
kali zhasajuć maje vočy
šachciorskaj lampaj mnie pryśviečvaj
24 kastryčnika 2014 h.
Maŭčańnie słoŭ
sadziłasia Źmiarkańnie
jak Hałubica
lohka
i hodna
i sierp Miesiaca
sierabryŭsia nad domam
31 kastryčnika 2014 h.
Viaroŭka
I ja bačyła, jak jany sušyli chleb
miłyja starečy
na viaroŭkach, jak pamytuju bializnu
łustačku za łustačkaj
na soncy i vietry
dryžaŭ chleb nadzionny
jak ruki starych
a ŭ rukach Viaroŭka
24 kastryčnika 2014