Cyrymonija ŭstupleńnia na pasadu znoŭ abranaha prezidenta Respubliki Biełaruś Alaksandra Łukašenki adbudziecca 6 listapada 2015 hoda. Upieršyniu inaŭhuracyja budzie prachodzić u Pałacy Niezaležnaści, paviedamlaje pres-słužba kiraŭnika dziaržavy.
U zale ŭračystych cyrymonij Alaksandr Łukašenka pryniasie prysiahu i padpiša adpaviedny akt. Paśviedčańnie prezidenta kiraŭniku dziaržavy budzie ŭručana ŭ prysutnaści bolš za tysiaču zaprošanych, siarod jakich vyšejšyja słužbovyja asoby krainy, deputaty Pałaty pradstaŭnikoŭ i členy Savieta Respubliki Nacyjanalnaha schodu, kiraŭniki roznych uzroŭniaŭ, pradstaŭniki dypłamatyčnaha korpusa, zamiežnyja hości.
Zatym uračystyja śviatočnyja mierapryjemstvy pieramieściacca na płošču Dziaržaŭnaha ściaha Respubliki Biełaruś, dzie vajskoŭcy pryniasuć prysiahu na viernaść biełaruskamu narodu i prezidentu. Pa zaviaršeńni cyrymonii pierad kiraŭnikom dziaržavy uračystym maršam projdzie rota hanarovaj varty.
Ź miesca praviadzieńnia mierapryjemstvaŭ budzie vieścisia pramaja tranślacyja pa ŭsich kanałach biełaruskaha telebačańnia. Jana pačniecca ŭ 12.00 (pa minskim časie).
Akramia taho, u Pałacy Respubliki adbudziecca śviatočny kancert «Razam u novy dzień». Na hałoŭnaj scenie krainy vystupiać darosłyja i dzieci, talenavityja samarodki z hłybinki i viadomyja biełaruskija artysty, a taksama słavutyja ziemlaki, jakija žyvuć u roznych krainach śvietu, ale abjadnanyja luboŭju da svajoj rodnaj Biełarusi, paviedamlaje pres-słužba.
Hladzicie taksama: Šmat čyrvona-zialonaha: Minsk rychtujuć da inaŭhuracyi Łukašenki
