14 listapada 2015 hoda ŭ 20.00 u minskim kłubie «Placoŭka Choł» adbudziecca kancert biełaruskaha dueta «Ahata».
AGATA ŭjaŭlaje ŭnikalnuju traktoŭku muzyčnaj narodnaj tradycyi, śmieła mikšyruja elemienty roznych stylaŭ dy žanraŭ ad zajdeka i finskaha tanha da nojza i nieakłaśsiki. Mahutnaje i niezvyčajnaje hučańnie dasiahajecca muzykami za košt kantrasnaha supastaŭleńnia tradycyj, faktur, manier. Vitalnaja enierhija vakału ŭzajemadziejničaje ź intelektualnaj mašyneryjaj akardeona. Heta muzyka pra toje, što chvaluje stałaha čałavieka - pra hora i radaść, čužynu i radzimu, kachańnie i nianaviść, pra dziaciej, ščaście, uzrost. Raskryć novyja hrani hučańnia duetu dapamohuć zaprošanyja muzyki – Uładzimir Patapienka i Jahor Džejhała.
Uładzimir Patapienka - małady biełaruski elektronny muzykant, paśpieŭ nie tolki stvaryć pieršuju ŭ Biełarusi škołu ABLETON, ale i navučyć ŭ joj šerah pierśpiektyŭnych i paśpiachovych muzykaŭ. Na kancercie AGATA adkazvaje za jakaść, vobraznaść, charaktar i vyraznaść hučańnia, inšymi słovami - za saŭnd-dyzajn.
Jahor Džejhała – vykonvaje indyjskuju kłasičnuju muzyku na flejcie bansury. Vałodaje vysokim majsterstvam vykanańnia, maje svaich vučniaŭ u Indyi. Jahor vystupaŭ z kancertami ŭ Indyi, Polščy, Rasii, Małdovie, Ukrainie i Biełarusi. Na hetym kancercie šerah svaich kampazicyj AGATA vykanaje sumiesna ź Jahoram.
Prajekt AGATA stvorany ŭ 2015 hodzie Alaksiejem Varsoba i Irenaj Katvickaj. Alaksiej Varsoba - akardeanist, kampazitar, aranžyroŭščyk, piedahoh. Pracuje z šyrokim śpiektram technik i kancepcyj sučasnaj muzyčnaj tradycyi. Lider instrumientalnaha trya «Port Mone», udzielnik roznych mižnarodnych art-prajektaŭ, aŭtar muzyki da šmatlikich kina- i animacyjnych filmaŭ i śpiektaklaŭ. Irena Katvickaja - fołk-śpiavačka, kampazitar, piedahoh. Lider fołk-prajekta Ethno-NHS i Akana-NHS. Joj naležać niezabyŭnyja vakalnyja partyi i aranžyroŭki ŭ mižnarodnych muzyčnych prajektach Kazalpin (Belarus-Switzerland) i Diagilew Project (Germany).
Alaksiej Varsoba – akardeon
Irena Katvickaja — vakał, akaryna
Uładzimir Patapienka — saŭnd-dyzajn
Jahor Džejhała — bansury, kłasičnaja flejta
