25 kastryčnika na 93-m hodzie žyćcia pamior viadomy biełaruski navukoviec Mikałaj Alaksandravič Barysievič, paviedamili ŭ pres-słužbie NAN Biełarusi.
Mikałaj Barysievič — viadomy vučony i arhanizatar navuki ŭ halinie optyki i śpiektraskapii, łaziernaj fiziki i infračyrvonaj techniki, akademik AN SSSR (z 1991 h. — Rasijskaj akademii navuk), akademik Nacyjanalnaj akademii navuk Biełarusi, doktar fizika-matematyčnych navuk, prafiesar i ŭładalnik šmatlikich uznaharod i premij.
Na praciahu 18 hadoŭ — z 1969 pa 1987 hady — Mikałaj Alaksandravič zajmaŭ pasadu Prezidenta Akademii navuk BSSR.
Ź imiem Mikałaja Barysieviča źviazana burnaje raźvićcio ŭ BSSR fiziki, matematyki, infarmatyki, chimii, navuk ab Ziamli, fotabijałohii i inšych navuk. Jon byŭ inicyjataram stvareńnia ŭ AN BSSR kanstruktarskich biuro, dośledna-pramysłovych vytvorčaściej, rehijanalnych navukovych centraŭ, raźvićcia rabot pa abaronnaj tematycy.
Akademik Barysievič zrabiŭ prykmietny ŭniosak u raźvićcio optyki, śpiektraskapii i ich dadatkaŭ. Jon aŭtar navukovaha adkryćcia i bolš za 600 navukovych prac. Za vydatnyja navukovyja dasiahnieńni Mikałaju Alaksandraviču prysudžana Leninskaja premija, Dziaržaŭnyja premii SSSR i Respubliki Biełaruś. Im padrychtavana bolš za 30 kandydataŭ navuk, 12 jaho vučniaŭ — daktary navuk, siarod ich 3 akademiki i člen-karespandent.
Raźvitańnie z akademikam Mikałajem Barysievičam budzie arhanizavana 28 kastryčnika z 11.00 da 13.00 u budynku Prezidyuma NAN Biełarusi (Minsk, pr. Niezaležnaści, 66).
Hramadzianskaja panichida adbudziecca 28 kastryčnika ŭ 12.30.
