Kampanija YouTube, jakaja naležyć Google, paviedamiła ab zapusku volnaha ad rekłamy płatnaha servisu, jaki pradastaŭlajecca pa padpiscy.
Servis, jaki atrymaŭ nazvu Red, budzie pieršapačatkova dastupny ŭ ZŠA za 9 dalaraŭ 99 centaŭ u miesiac, pačynajučy z 28 kastryčnika.
Padpisny płan nakiravany ŭ pieršuju čarhu na ludziej, jakija časta naciskajuć na nadpis «prapuścić rekłamu» i hatovyja akazać finansavuju padtrymku stvaralnikam videa.
Padpisčyki atrymajuć ekskluziŭnaje prava dostupu da novych videa, jakija buduć vychodzić z nastupnaha hoda. Jany zmohuć zapampoŭvać videa na mabilnyja pryłady i prasłuchoŭvać fonavuju muzyku, karystajučysia mabilnymi prahramami.
Akramia muzyki, karystalniki buduć atrymoŭvać strumienievaje videa i poŭnamietražnyja filmy.
Servis, jaki finansujecca za košt rekłamy, taksama zastaniecca dastupnym.