Pomnik znakamitamu rasijskamu akcioru Jaŭhienu Lavonavu na Maśfilmaŭskaj vulicy vykradzieny nieviadomymi, paviedamiŭ načalnik pres-słužby HUMVD pa Maskvie Andrej Haliakbieraŭ.
Skulpturnaja kampazicyja, ustanoŭlenaja ŭ 2001 hodzie na Alei kinazorak, była pryśviečanaja adnamu z samych znakamitych piersanažaŭ Jaŭhiena Lavonava — ujaŭnamu kryminalniku pa mianušcy Dacent ź filma «Džentlmieny ŭdačy».
«Supracoŭniki maskoŭskaj palicyi raspačali kryminalnuju spravu pa zajavie ab kradziažy z Maśfilmaŭskaj vulicy», — skazaŭ pradstaŭnik palicyi.
Pavodle jaho słoŭ, miesca zdareńnia było ahledžana śledča-apieratyŭnaj hrupaj z udziełam ekśpierta i kinołaha. Słužbova-vyšukovaja sabaka ŭziaŭ śled i davioŭ apieratyŭnikaŭ da pačatku Maśfilmaŭskaj vulicy, ale dalej śled abarvaŭsia.
Škoda, pa słovach Haliakbierava, skłała kala 160 tysiač rubloŭ (prykładna $2500).
