2 kastryčnika ŭ aŭtobusie, jaki ruchaŭsia pa maršrucie «Homiel-Cahielnia», ździejśnienaje złačynstva, jakoje rezka vyłučajecca na fonie inšych.
Šč. 1959 naradžeńnia, znachodziačysia ŭ stanie ałkaholnaha apjanieńnia, pačaŭ pradjaŭlać pretenzii da vaśmihadovaha chłopčyka, jaki siadzieŭ na siadzieńni. U pryvatnaści, jaho cikaviła, čamu chłopčyk nie sastupaje jamu miesca.
Maci chłopčyka Č. zastupiłasia za syna, paklikaŭšy Šč. da paradku. U adkaz mužčyna dastaŭ nož, nanios udar Č. pa tvary i, skarystaŭšysia tym, što aŭtobus spyniŭsia, vyskačyŭ i ŭciok.
Ale biehaŭ jon nie doŭha. Praz hadzinu Šč. byŭ zatrymany i źmieščany ŭ izalatar časovaha ŭtrymańnia. U suviazi ź dziorzkaściu i cynizmam złačynstva ŭ dačynieńni da jaho abranaja miera strymańnia ŭ vyhladzie zaklučeńnia pad vartu. Jamu pahražaje da 10 hadoŭ pazbaŭleńnia voli. Sam ža mužčyna va ŭsim vinavacić harełku. Pavodle jaho słoŭ, mienavita z-za vypitaha śpirtnoha ŭ jaho i zdaryŭsia taki pryliŭ sił i žadańnie debašyryć.
