Bieraściejcy pieraśpiavali pa-ukrainsku tvor «Tiepła zima». Jaje aŭtar Andrej Kuźmienka chacieŭ, kab hetaja pieśnia hučała z kožnaj razetki.
Sciana kaveraŭ nia robić. Vyklučeńniaŭ za 16 hod isnavańnia kamandy było tolki dva – trek «Ja jedu», zapisany dla trybjutu N.R.M., jaki atrymaŭsia ci nia lepšym za aryhinał. I ciapierašniaja premjera – «Tiepła zima» hurtu «Skriabin». «My pamiatajem vystup Kuźmy na «Zachid 2014». Heta było nastolki ščyra, adkryta i emacyjna mocna, što stanaviłasia zrazumieła: jon adzin z samych ulubionych ludziej na rok-scenie Ukrainy. A praz paŭhady niečakanaja trahičnaja navina – Kuźmy bolej niama. Tamu hetaja pieśnia – danina pamiaci čałavieku, jakoha my pavažajem i pamiatajem», – kažuć muzyki. Majstarynh i źviadzieńnie kampazycyi zrabiŭ Raman Hrynbierh.
Pieśniu «Tiepła zima» bieraściejcy ličać adnoj z samych aktualnych tvoraŭ Kuźmy na siońnia. Sam aŭtar, pradstaŭlajučy jaje publicy ŭ 2010 hodzie, skazaŭ, što hety tvor – «jość nia prosta kanstatacyjaj faktu, a prosta taki kryk, navat nie pra dapamohu ci pra patrebu revalucyi». «Ja kanstatuju fakt i prosta chaču, kab ludzi pasłuchali i zrazumieli, što ŭsia biada praź nas samich. My im dajem toje rabić, im zhadžajemsia, my idziem za ich hałasujem. Usie našy ludzi musiać zrazumieć: kali choć by raz kožny padaść hołas, to im stanie strašna. Kali ja haŭkaju adzin, nichto bajacca nia budzie. A 40 miljonaŭ heta nastolki bahata narodu, što kali toj łaj uzdymiecca, to kožny abasrecca i zdaść analiz za cełuju Konča-Zaspu. I ja by duža chacieŭ, kab pieśnia hučała prosta z kožnaj razetki». Andrej «Kuźma» Kuźmienka zahinuŭ 2 lutaha 2015 hodu ŭ vyniku DTZ.
Sciana vyrašyła nie pierakładać pieśniu i vykanać jaje ŭ aryhinale. «Ukrajina dla nas – svaja kraina, dzie my časta hrajem, dzie žyvuć našy siabry. I toje, što tam adbyvajecca, nas kranaje nadzvyčaj. My vielmi chočam, kab tam nastupiŭ urešcie rešt mir i ŭsie ŭkraincy žyli ŭ zhodzie, u niezaležnaści ad svaich pohladaŭ», – zaznačajuć udzielniki biełaruskaha hurta.
17 kastryčnika Sciana vystupić u Ivana-Frankoŭsku ŭ klubie «Biblioteka», 18 kastryčnika hurt možna budzie pačuć užyvuju ŭ Lvovie, u klubie «Underground». Padrabiaznaści pra bližejšyja kancerty hurtu – u aficyjnaj supołcy.
