Vyniki vybaraŭ kiraŭnika biełaruskaj dziaržavy, na jakich piaty raz pieramoh Alaksandr Łukašenka, byli padtasavanyja, a sam praces hałasavańnia prajšoŭ z parušeńniami, zajaviŭ śpiecdakładčyk AAN pa situacyi z pravami čałavieka ŭ Biełarusi Mikłaš Charaści.
Pa vynikach praviedzienych 11 kastryčnika vybaraŭ prezidenta Biełarusi pieramohu atrymaŭ kiraŭnik dziaržavy Alaksandr Łukašenka, jaki nabraŭ 83,48% hałasoŭ vybarščykaŭ. Jaŭka na vybarach skłała 87,22%.
«Takija vysokija ličby nikoli nie dasiahalisia ŭ chodzie vybaraŭ u Jeŭropie z momantu spynieńnia isnavańnia Savieckaha Sajuza. U dakumientach naziralnikaŭ padkreślena, što navat čaćviora sutak prymusovaha hałasavańnia źniavolenych, pryzyŭnikoŭ i dziaržsłužačych, jakija byli paznačany jak «daterminovaje hałasavańnie», nie mahli pryvieści da takich ličbaŭ», — zajaviŭ Charaści.