Karystalnik sajta abmienu videarolikami Vimeo pad nikam harrisonicus zmantavaŭ karotkamietražny film pra palot i vysadku na Miesiac — z mnohich tysiač fatahrafij, apublikavanych na staroncy prajektu «Archiŭ Apałona». Pra heta paviedamlajecca ŭ błohu Vimeo.
Rolik, zmantavany pa typu pakadravaj kinazdymki, zaniaŭ kala troch chvilin. Saŭndtrekam da filma stali dźvie kampazicyi: «Lift Motif» Kievina Makłaŭda i «Start Start» hurtu Built By Snow.
Bolš za 8,4 tysiačy fatahrafij u vysokim razroźnieńni, atrymanych amierykanskimi astranaŭtami padčas palotaŭ na Miesiac, byli ŭ kastryčniku 2015 hoda vykładzienyja ŭ sieciva kaśmičnym entuzijastam Kipam Tyham. Jon źbiraŭ archiŭ 15 hadoŭ.
Na fotazdymkach — nie tolki pustynnyja łandšafty spadarožnika Ziamli i kaśmičnyja aparaty, ale i pobyt amierykanskich astranaŭtaŭ. Usie zdymki byli zroblenyja na kamieru Hasselblad. Archiŭ jašče budzie papaŭniacca, pakolki ŭ im adsutničajuć fatahrafii z 7-j, 8-j, 9-j, 10-j i 13-j misij «Apałona».
