Taryfy na elektraenierhiju dla nasielnictva buduć pavyšacca, zajaviŭ 13 kastryčnika žurnalistam na cyrymonii adkryćcia Biełaruskaha enierhietyčnaha i ekałahičnaha forumu ministr enierhietyki Uładzimir Patupčyk.
«Što da taryfaŭ, vy bačycie, što jany dastatkova stabilnyja na našym rynku. U najbližejšym časie my praličvajem u miežach prahramy sacyjalna-ekanamičnaha raźvićcia taryfy na siarednieterminovuju i karotkaterminovuju pierśpiektyvu. Dla taho kab my nie adstavali ad tych pracesaŭ, jakija adbyvajucca ŭ makraekanomicy, taryfy dla nasielnictva buduć pavyšacca, ale jany buduć pryviazanyja da ŭzroŭniu dachodaŭ našych ludziej», — skazaŭ ministr.
Pavodle jaho słoŭ, dla realnaha siektara ekanomiki taryfy na 2016 hod mianiacca nie buduć. «Na praciahu ŭžo troch hadoŭ taryfy dla realnaha siektara ekanomiki ŭvieś čas źmianšajucca. Heta vynik vialikaj pracy, jakaja praviedziena halinoj pa pavyšeńni jaje efiektyŭnaści. My zabiaśpiečyli efiekt ad realizacyi dziaržprahram madernizacyi haliny na praciahu 2006—2014 hadoŭ — u 600 młn. dołaraŭ. Z 2015 hoda my štohod budziem ekanomić 200 młn. dołaraŭ. Aprača taho, my źnižajem nahruzku na valutny rynak, takim čynam robim svoj uniosak u pavyšeńnie kankurentazdolnaści biełaruskaj pramysłovaj pradukcyi», — zaznačyŭ Patupčyk.
Nahadajem, što sioleta taryfy dla nasielnictva pavyšalisia dvojčy — 1 studzienia i 1 sakavika.
