Saviet NATA zaklikaŭ RF «nieadkładna spynić ŭdary pa ŭmieranaj apazicyi» ŭ Siryi. Pra heta havorycca ŭ raspaŭsiudžanaj siońnia zajavie Paŭnočnaatłantyčnaj rady na ŭzroŭni pastajannych pradstaŭnikoŭ 28 krain aljansu ŭ Brusieli pa vynikach praviedzienaha tut ekstranaha pasiedžańnia pa Siryi, sklikanaha pa zapycie Turcyi.
«Paŭnočnaatłantyčnaja rada sustrełasia siońnia, kab pravieści kansultacyi pa patencyjnych nastupstvach apošnich niebiaśpiečnych rasijskich vajennych dziejańniaŭ u i vakoł Siryi», — havorycca ŭ zajavie.
«Sajuźniki vykazali hłybokuju zakłapočanaść u dačynieńni da rasiejskich vajennych dziejańniaŭ u Siryi, u asablivaści udaraŭ rasijskich VKS pa Chamie, Chomsie i Idlibie», — havorycca ŭ zajavie. U joj taksama śćviardžajecca, što jany «nie byli nakiravanyja suprać terarystyčnaj arhanizacyi «Isłamskaja dziaržava».
«Sajuźniki zaklikajuć Rasiju nieadkładna spynić ŭdary pa siryjskaj apazicyi», a taksama «zasiarodzić svaje namahańni na baraćbie ź ID, a taksama prasoŭvać rašeńnie kanfliktu šlacham palityčnaj pieradačy ŭłady», adznačajecca ŭ zajavie.
