«U AAN nia moža być adnadumstva, i prava veta — heta jaho naturalnaja častka. Sproba abychodzić heta supiarečyć pryncypam AAN.
Ekspart revalucyjaŭ biespaśpiachovy, ale na pamyłkach nichto nia vučycca. Na Blizkim Uschodzie i ŭ Afrycy — hvałt, haleča, sacyjalnaja katastrofa. Vy choć razumiejecie, što vy narabili?
Zachad pieradaje zbroju pamiarkoŭnaj apazycyi ŭ Syryi, jakaja pieradaje jaje «Isłamskaj dziaržavie». Akramia vojskaŭ Asada i kurdzkaha apałčeńnia, z «Isłamskaj dziaržavaj» pa-sapraŭdnamu nichto nie zmahajecca.
Treba stvaryć šyrokuju mižnarodnuju antyterarystyčnuju kaalicyju, kštałtu antyhitleraŭskaj. Klučavymi ŭdzielnikami pavinny stać musulmanskija krainy.
Patok uciekačoŭ zachłynuŭ susiednija krainy, a potym i Eŭropu. Uciekačy majuć patrebu ŭ padtrymcy, ale vyrašeńnie prablemy — u zachavańni i ŭmacavańni instytutaŭ dziaržavy tam, dzie jany zachavalisia. Treba dapamahčy adnavić dziaržaŭnyja struktury ŭ Libii, umacavać dziaržaŭnyja struktury ŭ Iraku i Syryi.
Postsavieckija krainy pastavili pierad vybaram — być im z Zachadam ci z Uschodam. Va Ŭkrainie zvonku spravakavali pieravarot. U vyniku ŭspychnuła hramadzianskaja vajna. Urehulavańnie na padstavie Mienskich damoŭlenaściaŭ patrabuje ŭliku intaresaŭ ludziej ŭ Danbasie.
Siońnia ledź nia normaj stali sankcyi ŭ abychod AAN».
