U čaćvier, 24 vieraśnia, baranavicki aktyvist Ryhor Hryk pryjšoŭ u kramu, dzie pracavaŭ hruzčykam, u pałasataj robie, stylizavanaj pad kancłahiernuju vopratku.
Aktyvist kaža, što na pracy jamu dva hady nie vydavali śpiecvopratku, tamu ŭ hety dzień jon vyrašyŭ nadzieć «čystuju vopratku ŭ biełuju pałosku» i takim čynam pryciahnuć uvahu kiraŭnictva.
U jaho heta atrymałasia. U kramie paviedamili, što z 24 vieraśnia Ryhor Hryk ŭžo nie pracuje, a śpiecvopratku ŭ handlovym abjekcie hruzčyk atrymlivaŭ i pastajanna byŭ u joj apranuty.
Čamu 24 vieraśnia jon pryjšoŭ u hetym adzieńni, niezrazumieła, — adznačyli ŭ handlovaj arhanizacyi.
Pa słovach Ryhora Hryka, piśmovych zajaŭ abo skarhaŭ kiraŭnictvu z prośbami vydać jamu śpiecvopratku jon ni razu nie pisaŭ, uvieś hety čas spadziejučysia na toje, što atrymaje jaje zhodna z zakanadaŭstvam.
