Ministerstva abarony Rasii abviaściła ab płanach pravieści vajenna-marskija vučeńni va ŭschodniaj častcy Mižziemnaha mora.
Jak paviedamlaje pres-słužba viedamstva, usiaho płanujecca vykanać bolš za 40 roznych bajavych praktykavańniaŭ, u liku jakich buduć rakietnyja i artyleryjskija strelby pa naziemnych i pavietranych celach.
Pavodle dadzienych ministerstva, u vučeńniach prymuć udzieł rakietny krejsier «Maskva», vartaŭničy karabiel «Kiemlivy», vialiki desantny karabiel «Sarataŭ» i sudy zabieśpiačeńnia.
Vialiki desantny karabiel «Sarataŭ» pryznačany dla vysadki marskich desantaŭ na nieabstalavanym uźbiarežžy i pierakidańnia moram vojskaŭ i hruzaŭ. Karabiel moža pieravozić da 20 tankaŭ abo 45 BTR, a taksama 300-400 čałaviek desantu.
Pry hetym vysadka desantu ŭ prahramu vučeńniaŭ nie ŭvachodzić. Zamiest hetaha buduć adpracoŭvacca supraćłodkavaja, supraćpavietranaja i supraćkarabielnaja abarona, a taksama pošukava-vyratavalnyja dziejańni.
Papiarednija vučeńni rasijskaha fłotu ŭ Mižziemnym mory prajšli ŭ studzieni 2013 hoda i stali pieršymi paśla doŭhaha pierapynku.