Partyzanskim rajonnym adździełam Śledčaha kamiteta raspačata kryminalnaja sprava za kradziež u dačynieńni da 14-hadovaha školnika.
Jak paviedamlaje HUUS Minharvykankama, vučań 9-ha kłasa adnoj sa staličnych škoł paśla zaniatkaŭ byŭ zaprošany da namieśnika dyrektara na prafiłaktyčnuju hutarku. Padčas hutarki piedahoh nienadoŭha adłučyłasia z kabinieta. U hety momant vučań ź jaje sumački, jakaja lažała na stale, skraŭ hrošy. Ahulnaja suma vykradzienaha skłała prykładna 3 młn rubloŭ. Hrošy školnik vydatkavaŭ na ŭłasnyja patreby.
Padčas rasśledavańnia vyśvietliłasia, što padletak raniej nieadnarazova traplaŭ u pole zroku supracoŭnikaŭ milicyi, ale z-za ŭzrostu da adkaznaści nie pryciahvaŭsia.
Ciapier u dačynieńni da školnika raspačata sprava na padstavie artykuła 205 KK (kradziež). Jamu pahražaje pazbaŭleńnie voli na termin da troch hadoŭ.
