RUP «Biełtelekam» padoryć karystalnikam Wi-Fi ŭ hramadskich miescach 15 chvilin biaspłatnaha internetu adzin raz u sutki. Takaja mahčymaść realizavana apierataram va ŭłasnaj sietcy na novym partale samaabsłuhoŭvańnia ciscowifi.beltelecom.by, paviedamili ŭ pres-słužbie «Biełtelekama».
Skarystacca 1418 kropkami dostupu Wi-Fi nacyjanalnaha apieratara možna ŭ najbolš naviedvalnych miescach hramadskaha karystańnia bolšaści haradoŭ Biełarusi. «Dla atrymańnia rekvizitaŭ biaspłatnaha dostupu ŭ internet karystalniku nieabchodna ŭvieści numar mabilnaha telefona i vybrać čas dostupu — 15 chvilin. Na ŭkazany numar budzie adpraŭlena SMS z łahinam i parolem, a taksama spasyłkaj dla aŭtaryzacyi», — udakładnili śpiecyjalisty kampanii.
Jak rastłumačyli ŭ «Biełtelekamie», kab skarystacca pasłuhami biespravadnoha internetu ŭ hramadskim miescy, na sotavym telefonie abo noŭtbuku karystalnik pavinien vybrać Wi-Fi sietku Beltelecom. Zatym treba zajści na partał ciscowifi.beltelecom.by. Na žal, jaho mahčymaści niedastupnyja dla abanientaŭ amal 360 tysiač punktaŭ byfly WiFi. Jak rastłumačyli ŭ kampanii, punkty byfly WiFi realizavanyja pa bolš sproščanaj technałohii i nie dazvalajuć vykarystoŭvać mahčymaści partała samaabsłuhoŭvańnia.
Akramia taho, novy partał dazvalaje z dapamohaj bankaŭskaj karty apłacić čas dostupu da biespravadnoha internetu — ad 60 chvilin da 5 sutak. Taryfy varjirujucca ad Br2,7 tysiač da Br42 tysiač.
