Kiraŭnik Biełteleradyjokampanii Hienadź Davydźka vystupiŭ na staronkach druku z tłumačeńniem svajoj pazicyi pa pavodzinach biełaruskich fanataŭ na adboračnym matčy futbolnych zbornych Ukrainy i Biełarusi ŭ Lvovie.
Poŭny varyjant publikacyi raźmieščany ŭ haziecie «SB. Biełaruś Siehodnia».
«Dźvie pryčyny prymusili mianie da napisańnia hetaj natatki. Pieršaja — heta toje, što ŭ apošni čas vielmi vyrazna pramaloŭvajucca sproby palityzavać sport i pieratvaryć spartyŭnyja spabornictvy ŭ mitynhi. I druhaja — list, što dajšoŭ da mianie ad adnaho z udzielnikaŭ niesankcyjanavanaha antyrasiejskaha mitynhu padčas matču ŭ Lvovie, jaki pakryŭdziŭsia na mianie za toje, što, pryznajusia, ja z harački nazvaŭ «nacystami» tych maładych ludziej, chto chadziŭ natoŭpam pa Lvovie, choram vykrykvajučy antyruskija łozunhi, jakija abražajuć Prezidenta Pucina i ruskich ludziej.
Usio heta mnie tak nahadała adeskija padziei, zavadatarami jakich źjaŭlalisia taksama futbolnyja fanaty, mahčyma, tyja ž samyja, jakija išli razam ź biełaruskimi zaŭziatarami pa Lvovie. Skažu naŭprost. Siarod tych biełaruskich zaŭziataraŭ, chto pryjechaŭ na matč, asnoŭnuju masu składali ludzi darosłyja, prystojnyja, sapraŭdnyja amatary futboła, jakija prajšli doŭhi šlach, kab padtrymać ŭ Lvovie našu kamandu i atrymać asałodu ad hulni.
Naturalna, što nichto ź ich i nie pavinien prymać na svoj rachunak maje słovy, ale tych azłoblenych maładzionaŭ, jakija publična abražali na lvoŭskich vulicach U.Pucina, Rasiju, a, značyć, svaimi pavodzinami — i Biełaruś, ich ja nazvać inšym słovam nie mahu. Dy i jakija jany, naohuł kažučy, «zaŭziatary», što źviazvaje ich z futbołam? Adno tolki — pad maskaj «fanataŭ» im treba źbicca ŭ natoŭp, pakuražycca, dać volu instynktam. Tym bolš niezrazumiełym dla ich «palityčnym», kali jany robiać nieviadoma što. Prasočvajecca heta, na žal, i na biełaruskich stadyjonach, ciapier voś vyliłasia ŭ taki niepryhožy ekspartny varyjant «.
