U Minsku ŭ noč z 19 na 20 vieraśnia adbyłosia DTZ, u jakim paciarpieŭ kiroŭca matacykła i jaho pasažyrka, paviedamiła staršy inśpiektar pa ahitacyi i prapahandzie ADAI Frunzienskaha rajona Minska Alena Vołčak.
Jak patłumačyła pradstaŭnik DAI, mužčyna 1976 hoda naradžeńnia jechaŭ na matacykle «Chonda» pa vulicy Prytyckaha ŭ napramku MKAD. Kiroŭca nie spraviŭsia z kiravańniem, najechaŭ na bardziurny kamień. Matacykł upaŭ ad udaru. U vyniku kiroŭca i pasažyrka 1982 hoda naradžeńnia špitalizavanyja ź pierałomami.
Pavodle papiaredniaj infarmacyi, abodva byli ŭ stanie ałkaholnaha apjanieńnia. Pry hetym kiroŭca maje prava na kiravańnie transpartnymi srodkami katehoryj «A», «V» i «S», ale hetaj nočču pry sabie ŭ jaho nie było naohuł nijakich dakumientaŭ.
