U Hrecyi adkrylisia vybarčyja ŭčastki na ŭsieahulnych parłamienckich vybarach. Dadzienyja papiarednich apytańniaŭ pakazvajuć na žorstkuju kankurencyju pamiž levaj partyjaj «Siryza», jakaja znachodzicca ciapier va ŭładzie, i kansiervatyŭnaj partyjaj «Novaja demakratyja».
Daterminovyja vybary — užo piatyja pa liku ŭ Hrecyi za šeść hadoŭ — byli abvieščanyja ŭ žniŭni, paśla taho, jak u adstaŭku syšoŭ premjer-ministr Aleksis Cypras.
Papularnaść lidara «Siryzy» rezka ŭpała, kali jon pahadziŭsia na ździełku ź mižnarodnymi kredytorami ab novym pakiecie finansavaj dapamohi.
Umovy pahadnieńnia ŭklučali miery žorstkaj ekanomii, suprać jakich pieršapačatkova vystupała «Siryza».
Hrecyja znachodzicca ŭ hłybokim finansavym kryzisie, i pieramožcu hetych vybaraŭ daviadziecca pravodzić dalejšyja surovyja ekanamičnyja reformy.
Pa słovach karespandenta Bi-bi-si ŭ Afinach Ryčarda Hałpina, partyja, jakaja pieramoža, naŭrad ci atrymaje dastatkovuju kolkaść miescaŭ u parłamiencie dla taho, kab sfarmavać urad u adzinočku.
Heta moža pryvieści da pieryjadu palityčnaj niestabilnaści, u toj čas jak krajnija terminy realizacyi klučavych finansavych reformaŭ robiacca ŭsio bližejšymi, adznačaje jon.
