U svaim pieradvybarčym televystupie kandydat u prezydenty Mikałaj Ułachovič zajaviŭ, što baptysckaja carkva «prapavieduje škodu zdaroŭju čałavieka».
«Pra duchoŭnaje adradžeńnie relihii chacieŭ by dadać, što sa źniknieńniem kodeksa budaŭnikoŭ kamunizmu mnohija paciahnulisia da relihii. Abo da roznych jaje vidaŭ. Drennaha ŭ hetym ničoha nia baču. Kali tolki hetaja relihija źviazanaja nie z baptysckaj skiravanaściu, dzie prapaviedujecca škoda zdaroŭju čałavieka, ci, jašče horš, z teraryzmam. Tady ja kateharyčna suprać».
Kamentujučy karespandentu radyjo «Svaboda» hetyja vykazvańni Ŭłachoviča na adras baptystaŭ, japiskap, staršynia Sajuzu evanhielskich chryścijan-baptystaŭ u Biełarusi Viktar Krućko skazaŭ: «My ŭžo prachodzili savieckuju ŭładu i paklop. Tamu mianie heta nie ździŭlaje. Čałaviek choča stać prezydentam i taki nievuk u hetych pytańniach. Heta mianie taksama ździŭlaje. Heta zvyčajnaje nievuctva. Jamu treba było b skazać naadvarot, što baptysckaja relihija tolki zdarovy ład žyćcia, duchoŭny i fizyčny, prapahanduje. I žyvuć tak baptysty».
Kiraŭnictva sajuzu miarkuje źviazacca z kandydatam u prezydenty Ŭłachovičam. «My chočam zadać jamu elementarnaje pytańnie. Albo jon prosta ros u niejkim drymučym lesie i nia viedaje žyćcia, albo jon nasamreč taki praciŭnik. Ale ž my praciŭnikaŭ nie baimsia».
