president.gov.by
Alaksandr Łukašenka siońnia, vystupajučy na II Forumie rehijonaŭ Biełarusi i Rasii, adkazaŭ prezidentu Kazachstana Nursułtanu Nazarbajevu na krytyku biełaruskaha małaka.
«My žyviem u rynkavych umovach, — padkreśliŭ Łukašenka. — Kuplajuć u Kazachstanie takoje małako — tudy jaho i viazuć. Nie kuplali b — nie pavieźli». Niama takoha termina «naturalnaje małako», praciahnuŭ Alaksandr Łukašenka.
«Usie vydatna razumiejuć, što i Rasija, i Biełaruś uzajemna «sušać» heta małako, vydalajuć vadu. Kali pik małaka padaje, kali jaho nie chapaje, Rasija zakazvaje ŭ Biełarusi, my časta kuplajem u Rasii heta małako, razvodzim jaho, heta značyć dadajučy vadu, i atrymlivajecca narmalizavać małako», — skazaŭ kiraŭnik dziaržavy. Jon rastłumačyŭ taksama, što małočnym napojem ličycca pradukt, u jaki dadajecca sok.
«Kali razvažaješ na niejkuju temu i prablemu, treba hłybiej u joj raźbiracca», — ličyć Alaksandr Łukašenka.
«Hetaja tema nie maje nijakaha dačynieńnia da taho, što adbyvajecca ŭ nas u Jeŭrazijskim ekanamičnym sajuzie. U nas jość značna bolš surjoznyja prablemy», — reziumavaŭ jon.
