Kitajskaja internet-krama AliExpress admaŭlajecca absłuhoŭvać žycharoŭ Kryma. Pry rehistracyi na sajcie karystalnikaŭ z dałučanaha ŭ minułym hodzie da Rasii paŭvostrava prosiać adredahavać adras dastaŭki i pakazać novy rehijon. Raniej u hetaj hrafie nazvu rehijonu možna było ŭvieści samastojna, ciapier svoj rehijon nieabchodna vybirać sa śpisu, u jakim niama ni Respubliki Krym, ni Sievastopala.
U vyniku krymčanie bolš nie mohuć zamović tavar na svoj adras. Aficyjna ŭ kampanii pakul nie kamientujuć takoje rašeńnie.
Pakiet sankcyj, jaki zabaraniŭ ekspart amierykanskich tavaraŭ, pasłuh i technałohij na terytoryju paŭvostrava, byŭ padpisany prezidentam ZŠA Barakam Abamam u śniežni 2014 hoda. Raniej ZŠA i ES ŭviali sankcyi ŭ dačynieńni da rasiejskich palitykaŭ, čynoŭnikaŭ, biznesoŭcaŭ, a taksama dziaržaŭnych kampanij i niekatorych bankaŭ paśla taho, jak Krym byŭ dałučany da RF.
Zhodna z ukazam prezidenta Abamy, amierykanskija servisy pavinny admaŭlać krymčanam u rehistracyi, zapampoŭcy i aktyvacyi praduktaŭ.
Abmiežavańni ŭviali kampanii Google, Apple, Hewlett-Packard i Dell, najbujniejšy ŭ śviecie rehistratar damiennych imionaŭ GoDaddy Group, adna z najbujniejšych u śviecie fryłans-biržaŭ oDesk, raspracoŭščyk hulniaŭ Valve Corporation, internet-krama Amazon, apłatnyja sistemy PayPal, Visa i MasterCard.
