Jašče ŭ letaś infrastrukturny apieratar beCloud zajaviŭ, što žychary Biełarusi zmohuć skarystacca suviaźziu čaćviortaha pakaleńnia (LTE) u 2015 hodzie.
Spačatku ministr suviazi abiacaŭ źjaŭleńnie vysakachutkasnaj suviazi ŭ 3-m kvartale hetaha hoda, paźniej termin byŭ ssunuty na 4-y kvartał. Kaniec hoda imkliva nabližajecca, tamu TUT.BY udakładniŭ u beCloud, ci niama pieradumoŭ na novy pieranos terminu zapusku LTE-sietki.
LTE (Long-Term Evolution) i jaho bolš prasunutaja raznavidnaść LTE Advanced — standart mabilnaj vysakachutkasnaj pieradačy dadzienych čaćviortaha pakaleńnia (4G), šyroka raspaŭsiudžany ŭ Jeŭropie (u tym liku Rasii) i ZŠA.
Sučasnaja mabilnaja technika dazvalaje pieradavać dadzienyja ŭ sietkach LTE Advanced z chutkaściu da 600 Mbit/s.
U Biełarusi ŭsie apieratary suviazi majuć sietki treciaha pakaleńnia (3G). Maksimalna dastupnaja chutkaść pieradačy dadzienych u takich sietkach — 42,2 Mbit/s.
U beCloud paćvierdzili, što płany kampanii beCloud nakont budaŭnictva i ŭvodu sietki LTE Advanced zastajucca niaźmiennymi:
«Zapusk sietki budzie ažyćciaŭlacca paetapna. Pieršy frahmient sietki LTE Advanced budzie zapuščany ŭ kamiercyjnuju ekspłuatacyju ŭ Minsku da kanca 2015 hoda».
Raniej kiraŭnik kampanii nie vyklučaŭ mahčymaści źjaŭleńnia LTE ŭ 2015 hodzie i ŭ abłasnych centrach.
U beCloud raspaviali, što na dadzieny momant zavieršany tendar pa vybary pastaŭščyka abstalavańnia LTE. padpisanyja kantrakty na pastaŭku abstalavańnia, a taksama na vykanańnie rabot pa budaŭnictvie sietki pad kluč u Minsku.
«Taksama siońnia viadziecca aktyŭnaja praca pa prajektavańni i budaŭnictvie bazavych stancyj sietki LTE Advanced na terytoryi h. Minska, vyrašajucca pytańni zabieśpiačeńnia elektramahnitnaj sumiaščalnaści ź isnujučymi radyjoelektronnymi srodkami», — adznačyli ŭ pres-słužbie beCloud.
beCloud budzie infrastrukturnym apierataram: u jaho zadačach — budaŭnictva i absłuhoŭvańnie sietki, jakaja budzie vykarystoŭvacca ŭsimi tryma sotavymi apieratarami.
Takoje rašeńnie, pa słovach kiraŭnika kampanii Siarhieja Pabłahujeva, dazvolić skaracić ahulnyja vydatki na ŭkaranieńnie apieratarami LTE u try razy. Raniej jon kazaŭ, što life:) z samaha pačatku padtrymlivaŭ ideju stvareńnia adzinaj biełaruskaj 4G-infrastruktury dla ŭsich apierataraŭ.
