Na sajcie Respublikanskaha centra hihijeny, epidemijałohii i hramadskaha zdaroŭja apublikavana źmienienaja pastanova namieśnika ministra achovy zdaroŭja — hałoŭnaha dziaržaŭnaha sanitarnaha ŭrača Biełarusi Ihara Hajeŭskaha «Ab zaćviardžeńni pieraliku pradukcyi zamiežnaj vytvorčaści, jakaja padlahaje dziaržaŭnaj sanitarna-hihijeničnaj ekśpiertyzie».
Ź pieraliku, u pryvatnaści, vydaleny mebla, bytavyja elektraprybory, pryznačanyja dla kantaktu ź ježaj, chaładzilniki i marazilniki, a taksama kancylarskija prynaležnaści dla školnikaŭ.
Akramia taho, u raździele budmateryjałaŭ udakładniena, što ekśpiertyzie padlahajuć DVP i DSP, vyraby z płastmasy, materyjały dla ablicoŭki i adździełki, pryznačanyja tolki dla ŭnutranych rabot.
Dadzieny dakumient pryniaty ŭ metach raźvićcia pastanovy Savieta ministraŭ № 666 «Ab uviadzieńni dziaržaŭnaj sanitarna-hihijeničnaj ekśpiertyzy na ŭvozimyja tavary».
Uradavaja pastanova ŭstupiła ŭ siłu 27 žniŭnia i praduhledžvaje abaviazkovuju dziaržaŭnuju sanitarna-hihijeničnuju ekśpiertyzu pradukcyi zamiežnaj vytvorčaści.
Na dumku pradstaŭnikoŭ biznesu, novyja ŭmovy nadzvyčaj ŭskładniajuć impart tavaraŭ u Biełaruś.
Na siońniašniaj pres-kanfierencyi Ihar Hajeŭski zajaviŭ, što pieralik tavaraŭ, jakija padlahajuć ekśpiertyzie, apublikavany 10 vieraśnia, «dastatkova nievialiki, ale adkryty» i z časam moža być jak pašyrany, tak i skaročany.
