Skaładrom — štučnaje zbudavańnie dla skałałažańnia. Skałałažańnie dapamahaje raźvivać usie ciahlicy cieła. Heta vielmi cikavy i raźvivajučy sport, jaki dapamoža vam upeŭniena adčuvać siabie va ŭmovach hor.
My pahutaryli z dyrektaram pa raźvićciu Juryjem Jakaŭlevym pra dastupnaść skaładromu i jaho asablivaści.
«Asablivaść našaha skaładromu ŭ tym, što jon vielmi dastupny», — raspaviadaje Jura. «U nas aptymalnyja ceny, i my pracujem štodnia z 10:00 da 23:00»
Skaładrom padzieleny na try častki: zvyčajny sa strachavym matracam, dziciačy i składanaja častka z uchiłami. Taksama, u zaležnaści ad numaru i koleru vyznačajecca składanaść prachodžańnia «skał».
Standartnaja skała maje vyšyniu kala 4,2 m. Samyja ciažkija — 6 m.
Standartnyja skały.
Źleva — vysokija skały, sprava — dziciačyja.
Što tyčycca cenaŭ, to ŭ dzień adkryćcia ŭvachod na ŭvieś dzień budzie kaštavać 100 tys. U dalejšym, da 31 kastryčnika, — 150 tys.
«Tym, chto pryjdzie pieršy raz, budzie ciažka razabracca. My rekamiendujem nie ryzykavać i ŭziać dapamohu treniera. Taksama vam spatrebicca śpiecyjalny abutak dla zaniatkaŭ. Da 31 kastryčnika vy možacie ceły dzień vučycca z trenieram u śpiecyjalnym abutku za 250 tysiač», — kaža dyrektar. Ad pačatku listapada košty stanuć vyšejšymi.
Śpiecyjalny abutak dla skałałažańnia. Jość usie pamiery.
«Pakolki ŭ nas jość dziciačaja zona, my płanujem ładzić śviatkvańni dniej narodzinaŭ i inšych mierapryjemstvaŭ. Taksama budzie mahčymaść zaprašać animatara na śviaty».
Aficyjnaje adkryćcio adbudziecca 16 vieraśnia — z 13:00 da 23:00.
