Cyrymonija hašeńnia sieryi paštovych marak, pryśviečanych bajavoj technicy časoŭ Pieršaj suśvietnaj vajny, prajšła ŭ Smarhoni.
Cyrymonija adbyłasia la miemaryjała pamiaci achviar Pieršaj suśvietnaj vajny padčas mierapryjemstvaŭ da 100-hodździu pačatku hieraičnaj abarony Smarhoni. U cyrymonii ŭdzielničała kiraŭnictva Hrodzienskaha abłvykankama, pradstaŭniki pasolstva Rasii ŭ Biełarusi, inšyja hanarovyja hości.
Sieryju z čatyroch paštovych mastackich marak vypuściła Pošta Rasii dla abaračeńnia ŭ Rasijskaj Fiederacyi. Adnak cyrymoniju pamiatnaha hašeńnia vyrašana pravieści ŭ biełaruskim horadzie Smarhoń.
Paštovyja marki pryśviečany bajavoj technicy, jakaja vykarystoŭvałasia ŭ hady Pieršaj suśvietnaj vajny. Na ich namalavany bambardziroŭščyk «Illa Muromiec», raspracavany ŭ žniŭni 1913 hoda. U hady Pieršaj suśvietnaj vypuščana kala 80 takich samalotaŭ. U mirny čas da 1923 hoda jany absłuhoŭvali paštova-pasažyrskuju liniju. Druhaja marka pryśviečana minanoscu «Novik». Taksama na markach namalavany 7,62-mm vintoŭka sistemy Mosina i 76,2-mm palavaja chutkastrelnaja harmata.
Dla hašeńnia paštovych marak vyrableny śpiecyjalny štempiel, jakim zrobleny adbitki na kanviertach. Udzielniki cyrymonii padpisali kanvierty, tym samym jany stali kalekcyjnymi.
Tyraž paštovych mastackich marak «Historyja Pieršaj suśvietnaj vajny. Ajčynnaja bajavaja technika» składaje 386 tys. asobnikaŭ. Marki raspracavaŭ mastak-dyzajnier Uładzimir Bielciukoŭ.
***
U Smarhoni prachodziać mierapryjemstvy, pryśviečanyja 100-hodździu pačatku hieraičnaj abarony horada ŭ Pieršuju suśvietnuju vajnu. Z ranicy ŭ chramie Praabražeńnia Haspodniaha adbyłasia liturhija, prajšoŭ kruhły stoł «Pieršaja suśvietnaja vajny — staronki historyi» z udziełam biełaruskich i rasijskich historykaŭ, pradstaŭnikoŭ archiŭnych słužbaŭ. U Smarhonskim historyka-krajaznaŭčym muziei prezientavali vystavu «Niamyja pomniki zabytaj vajny».
Uračystyja mierapryjemstvy prajšli la miemaryjała. Tut adbyłasia panichida pamiaci achviar Pieršaj suśvietnaj vajny, mitynh-rekvijem, u hetyja chviliny prachodzić kancert z udziełam Dziaržaŭnaha kamiernaha choru Biełarusi i ansambla salistaŭ «Kłasik-Avanhard».
