«U Biełaruś pryjdzie letniaje nadvorje. Hetymi dniami nas čakaje vielmi ciopłaje nadvorje, asabliva ŭ druhoj pałovie pracoŭnaj častki tydnia».
Pra heta paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžańnia i manitorynhu navakolnaha asiarodździa Dźmitryj Rabaŭ.
Pavodle jaho słoŭ, siaredniaja tempieratura čakajecca na 5-8 hradusaŭ vyšejšaj za normu. Na fonie vysokaha atmaśfiernaha cisku buduć prachodzić atmaśfiernyja franty i mahčymyja łakalnyja navalničnyja daždžy.
U aŭtorak nočču pa Bresckaj i Hrodzienskaj abłaściach, dniom na bolšaj častcy terytoryi krain karotkačasovyja daždžy, u asobnych rajonach navalnicy. Tempieratura nočču plus 6—12°S, dniom plus 15—21°S, pa paŭdniovym zachadzie nočču plus 13—15°S, dniom plus 22—24°S.
Z sierady ŭ krainu pačnie pastupać bolš ciopłaja pavietranaja masa ź Mižziemnaha mora, i tempieratura pavietra pačynajučy z paŭdniova-zachodnich rajonaŭ pačnie pavyšacca, zaznačyŭ sinoptyk. U sieradu miescami karotkačasovyja daždžy, navalnicy. Nočču i ranicaj u asobnych rajonach tuman. Tempieratura pavietra nočču plus 9—16°S, dniom plus 17—23°S, u paŭdniova-zachodnich rajonach da plus 26°S.
U čaćvier budzie jašče ciaplej: tempieratura pavietra składzie nočču plus 11—18°S, dniom plus 20—26°S, u paŭdniova-zachodnich rajonach plus 27—30°S. U asobnych rajonach karotkačasovyja daždžy, navalnicy.
U piatnicu tempieratura pavietra nočču plus 12—19°S, dniom plus 23—29°S, u paŭnočna-zachodnich rajonach krychu chaładniej — plus 18—22°S, pa poŭdni plus 30—32°S. U asobnych rajonach, u asnoŭnym pa paŭnočnym zachadzie, karotkačasovyja daždžy, navalnicy.
«U vychadnyja dni pačynajučy z paŭnočna-zachodnich rajonaŭ pačniecca pastupovaje panižeńnie tempieratury, ale ŭsio roŭna jašče zachavajecca ciopłaje nadvorje, asabliva pa paŭdniovym uschodzie krainy», — paviedamiŭ Rabaŭ.
U subotu miescami karotkačasovyja daždžy, navalnicy. Tempieratura pavietra nočču plus 11—18°S, dniom plus 17—24°S, pa paŭdniovym uschodzie plus 25—29°S.
U niadzielu miescami karotkačasovyja daždžy, navalnicy. Tempieratura pavietra nočču plus 7—14°S, dniom plus 15—22°S, pa paŭdniovym uschodzie nočču plus 15—17°S, dniom plus 23—26°S.
