Foto sajta pridvinje.by
U Biełarusi skaračajecca kolkaść publičnych biblijatek, paviedamiŭ na pres-kanfierencyi 14 vieraśnia namieśnik ministra kultury Vasil Černik.
«U apošni čas adznačajecca tendencyja da źnižeńnia kolkaści biblijatek, u asnoŭnym tych, jakija raźmiaščajucca ŭ sielskaj miascovaści, — adznačyŭ Černik. — Pravodzicca aptymizacyja śfiery kultury, asabliva intensiŭna jana pravodziłasia ŭ 2011—2014 hadach.
Tak, za 2013—2014 hady sietka publičnych biblijatek u Biełarusi była skaročana na 573 adzinki, 94% ź ich — sielskija biblijateki».
Pry hetym namieśnik ministra padkreśliŭ, što biblijateki likvidavalisia pierš za ŭsio ŭ małanasielenych punktach i pradprymalisia «usie miery dla zachavańnia infarmacyjna-biblijatečnaha absłuhoŭvańnia nasielnictva». «Tam, dzie heta było mahčyma, abjadnoŭvalisia sielskija publičnyja biblijateki i školnyja biblijateki, maksimalna vykarystoŭvajucca niefarmalnyja formy absłuhoŭvańnia», — rastłumačyŭ jon.
Usiaho ŭ krainie pracuje 7,7 tys. biblijatek, sukupny fond jakich składaje bolš za 180 młn adzinak zachoŭvańnia. U padparadkavańni Ministerstva kultury znachodziacca 2.916 biblijatek, ź ich 2.306 — sielskija.
Pradstaŭnik Minkultury adznačyŭ, što pa kolkaści biblijatek na kolkaść nasielnictva Biełaruś apiaredžvaje, naprykład, Polšču i Hiermaniju.
Tak, u Biełarusi adna publičnaja biblijateka Minkultury ŭ siarednim prypadaje na 3,2 tysiačy čałaviek, u Polščy adna biblijateka raźličana na 4,1 tysiačy žycharoŭ, u Niamieččynie — na 4,7 tysiačy.
