Fota: patrickschwarzenegger via Instagram
Patryk Švarceniehier, syn słavutaha akciora i palityka Arnolda Švarceniehiera, debiutuje na teleekranie 22 vieraśnia ŭ pieršym siezonie sieryjała «Karalevy kryku» telekanała Fox, paviedamiŭ u Twitter suaŭtar sieryjała Rajan Miorfi. Za čatyry dni da taho jon spravić 22-hodździe.
Juny Švarceniehier užo zdymaŭsia ŭ kino, ale ŭ epizadyčnych rolach u małaviadomych filmach: «Zapasnyja hulcy», «Zaviaznuŭ u kachańni» i «Adnakłaśniki-2». Jaho rola ŭ «Karalevach kryku» jašče nieviadomaja (dakładna nie hałoŭnaja), ale sieryjał maje šancy być zaŭvažanym hledačami.
«Karalevy kryku» raspaviadajuć pra padziei vakoł ŭniviersiteckaha žanočaha tavarystva, jakija pryviaduć da tajamničaha zabojstva 20-hadovaj daŭniny.
U nastupnym hodzie vyjdzie pieršy surjozny kinaprajekt z ŭdziełam Patryka Švarceniehiera: «Palarny dzień», druhaja sproba zachodniaha remejka adnajmiennaj japonskaj dramy Narychida Kaizumi 2006 hoda. Jašče ŭ hetym hodzie vyjdzie nizkabiudžetnaja kamiedyja «Hid pa zombi-apakalipsisie dla skaŭtaŭ» ź im u adnoj z rolaŭ. Razam z tym jon vystupaje ŭ jakaści fotamadeli.
Jaho 68-hadovy baćka tym časam nie pierastaje zdymacca ŭ kino. Sprečny «Terminatar: Hieniezis» sabraŭ 435 młn dalaraŭ i stanie pačatkam novaj tryłohii, anansavanaja i drama «478» ź jaho ŭdziełam.
