fcbate.by
U suviazi sa spadam ažyjatažu z boku ŭładalnikaŭ siezonnych abaniemientaŭ-2015 FK BATE pryniaŭ rašeńnie źmianić datu pačatku realizacyi biletnych pakietaŭ na chatnija hulni «žoŭta-sinich» u hrupavym raŭndzie Lihi čempijonaŭ-2015/16 dla ŭsich katehoryj zaŭziataraŭ, paviedamlaje sajt kłuba.
Takim čynam, užo ŭ paniadziełak, 14 vieraśnia, biletnyja pakiety na matčy družyny Alaksandra Jermakoviča ź italjanskaj «Romaj», ispanskaj «Barsiełonaj» i niamieckim «Bajeram» stanuć dastupnymi dla nabyćcia ŭsimi žadajučymi, h.zn. na dva dni raniej.
Uładalniki siezonnych abaniemientaŭ mohuć kupić biletnyja pakiety ŭ kasach «Barysaŭ-Areny» i ofisie «Tykietpro» (Minsk, pr. Mašerava, 25, choł pieršaha paviercha) z 10.00 da 15.00.
Z 15.00 pačniecca prodaž pakinutych nie realizavanymi biletnych pakietaŭ dla ŭsich achvotnych — abodva punkty prodažu buduć pracavać da 20.00.
Nahadajem, što BATE startuje ŭ hrupavym raŭndzie ŁČ užo na hetym tydni vyjaznym matčam suprać niamieckaha «Bajera» (sierada, 16 vieraśnia).
Pieršy chatni matč barysaŭski kłub zhulaje z «Romaj» — 29 vieraśnia.
Hulnia z «Barsiełonaj» projdzie ŭ Barysavie 20 kastryčnika, z «Bajeram» na svaim poli — 24 listapada.
Pieršyja dźvie damašnija hulni — u 21:45, z «Bajeram» u 20:00 (pieravod strełak).
Jak raniej paviedamlałasia, košt pakietaŭ budzie zaležać ad katehoryi trybun.
Trybuny buduć padzielenyja na čatyry katehoryi:
3-ja — 600 000 rubloŭ;
2-ja — 800 000 rubloŭ;
1-ja — 1 250 000 rubloŭ;
Najvyšejšaja - 1.600.000 rubloŭ.