U Babrujsku ŭdałosia likvidavać pažar, jaki doŭžyŭsia kala dvuch tydniaŭ.
Pra heta babrujskamu sajtu komkur.info paviedamiŭ namieśnik načalnika abłasnoha ŭpraŭleńnia MNS Kanstancin Ivanoŭ. Nahadajem, što pali filtracyi zaharelisia jašče 29 žniŭnia, heta značyć na baraćbu sa stychijaj pajšło 13 dzion.
«Babrujski pažar — heta adzinkavy, vyklučny vypadak, — ličyć Kanstancin Viktaravič. — Pradbačyć ŭzharańnie było praktyčna niemahčyma, bo jašče hod tamu tam stajała vada. Syšlisia adrazu niekalki niespryjalnych faktaraŭ. Pa-pieršaje, viadoma, zasucha, praź jakuju upaŭ ŭzrovień hruntavych vod. Pa-druhoje, haručaje asiarodździe, a mienavita — vysokaja suchaja trava. Kab praduchilić padobnyja uzharańni, nie varta pakidać terytoryi zakinutymi. Nieabchodna albo kasić travu, albo pačynać ziemleapracoŭku, uvohule, niejak kantralavać situacyju».
U vyniku — bolš za 20 hiektaraŭ vypalenaj ziamli. Ale «na ŭsiaki pažarny» rabotniki MNS zalili vadoj 45 hiektaraŭ.
Za ŭvieś čas pažaru na ziamlu, jakaja tleła, było vylita bolš za 123 tysiač kubičnych mietraŭ vady.
