Fota: Art Streiber
Zasnavalnik PayPal, SpaceX i Tesla Ełan Mask vykazaŭ svajo bačańnie kałanizacyi inšych płaniet u telepieradačy Late Show sa Styvienam Kolbieram, pieradaje TJournal.
Mask ličyć, što Mars nieprydatny da zasialeńnia. «Heta płanieta, jakuju treba ramantavać», — skazaŭ jon, majučy na ŭvazie adsutnaść na Marsie ščylnaj atmaśfiery. Najchutčejšy šlach «ramontu» — termajadziernyja bomby.
Kab zrabić Mars bolš prydatnym dla čałavieka, treba vyklikać na im parnikovy efiekt. Na dumku Maska, jość dva asnoŭnych sposaby zrabić heta: chutki šlach z termajadziernaj bambardyroŭkaj i pavolny — vykid parnikovych hazaŭ tak, jak jon adbyvajecca na Ziamli. Jašče adzin varyjant — zasialeńnie mikrobami.
Raniej Mask chacieŭ abjadnać vysiłki z hienietykam Krejham Vienteram, kab stvaryć svajeasablivy 3D-bijapryntar, jaki moh by «źbirać» na Marsie z bakteryj vialikija raśliny i navat žyvioł. Ci pačałasia surjoznaja praca nad prajektam, nieviadoma.
U chutkim časie Mask źbirajecca napisać knihu pra kałanizacyju Marsa. Da kanca biahučaha hoda, jak jon raspavioŭ na reddit, jaho kampanija SpaceX maje pradstavić kaśmičny karabiel Mars Colonial Transporter i marsijanski skafandr.
U telepieradačy Kołbiert nastojvaŭ, što Mask jość supierzłodziejem, vynachodnik heta admaŭlaŭ — mienavita ŭ dokaz taho, što jon «na śvietłym boku siły» Mask raskryŭ płany kałanizacyi Marsa. Taksama Mask pierakonvaŭ, što mietaličnaja źmiaja, pryznačanaja dla zaradki elektramabilaŭ Tesla, nie jość interfiejsam padklučeńnia čałavieka da Matrycy, ale zaklikaŭ nie ŭpuskać ničoha pobač ź joj.
