Sotni ŭciekačoŭ hinuć, vandrujučy ŭ Mižziemnym mory na słabieńkich humovych čaŭnach.
Viarchoŭny kamisar AAN pa spravach biežancaŭ zaklikaŭ dziaržavy Jeŭrasajuza raźmierkavać pa sistemie kvot nie mienš za 200 tysiač uciekačoŭ. Papa Francišak zajaviŭ, što kožnaja katalickaja parafija Jeŭropy prymie adnu siamju.
Jeŭropa nie sutykałasia z takim napłyvam uciekačoŭ ad času vajny ŭ Bośnii ŭ siaredzinie 90-ch. Bolšaść z uciekačoŭ — siryjcy, što biahuć ad hramadzianskaj vajny. Akramia taho, u Jeŭropie šukajuć prytułku žychary Erytrei, dzie panuje žorstkaja dyktatura, i Afhanistana, dzie dziejničajuć isłamskija fundamientalisty z Talibana.
Jeŭrapiejskija hramadstvy dziejničajuć zychodziačy z pryncypaŭ humanizmu i spahady. Adnak zastajucca techničnyja prablemy: jak raźmiaścić dadatkovyja sotni tysiač uciekačoŭ i jak raźmierkavać ich. Bolšaść biežancaŭ prahnuć trapić u bahaciejšyja krainy: Hiermanija, Šviecyja.
Papa Francišak zaklikaŭ u niadzielu katalikoŭ Jeŭropy dałučycca da akcyi dapamohi, paviedamlaje ahienctva Frans Pres.
«Kožnaja parafija, kožnaje relihijnaje tavarystva, kožny manastyr, kožny chram Jeŭropy prymaje adnu siamju», — skazaŭ Francišak pierad malitvaj da Baharodzicy, jakaja adbyłasia na płoščy Śviatoha Piatra ŭ Rymie.
Pieršymi siamji biežancaŭ pryniali dva carkoŭnyja prychody ŭ Vatykanie.
Z pačatku 2015 na terytoryju Jeŭrasajuza prybyli kala 350 tysiač mihrantaŭ, da kanca hoda ich kolkaść moža vyraści da 700 tysiač.
Mihranty pranikajuć na terytoryju Hrecyi z Turcyi, u Vienhryju ź Sierbii i ŭ Italiju — praź Liviju.
