2 vieraśnia sudom Minskaha rajona vyniesieny pryhavor pa kryminalnaj spravie pa abvinavačańni byłoha staršyni ŽBVK «Les-2010» Aleny Viarbickaj va ŭčynieńni złačynstvaŭ, praduhledžanych č. 2 art. 424 KK, č. 1 art. 426 KK.
Jak paviedamlaje pres-słužba Viarchoŭnaha suda, pryhavoram suda Viarbickaja pryznana vinavataj u naŭmysnym učynieńni słužbovaj asobaj dziejańniaŭ, jakija vychodziać za miežy pravoŭ i paŭnamoctvaŭ, dadzienych joj pa słužbie, što paciahnuła pryčynieńnie značnaha ŭronu pravam i zakonnym intaresam hramadzian, dziaržaŭnym i hramadskim intaresam, i na padstavie č. 1 art. 426 KK joj pryznačana pakarańnie ŭ vyhladzie adnaho hoda i šaści miesiacaŭ pazbaŭleńnia voli z pazbaŭleńniem prava zajmacca dziejnaściu, źviazanaj z vykanańniem arhanizacyjna-rasparadčych i administracyjna-haspadarčych abaviazkaŭ, terminam na piać hadoŭ.
Jana taksama pryznana vinavataj u naŭmysnym nasupierak intaresam słužby ŭčynieńni słužbovaj asobaj ź inšaj asabistaj zacikaŭlenaści dziejańniaŭ z vykarystańniem svaich słužbovych paŭnamoctvaŭ, što paciahnuła pryčynieńnie značnaha ŭronu pravam i zakonnym intaresam hramadzian i dziaržaŭnym intaresam, i na padstavie č. 2 art. 424 KK joj pryznačana pakarańnie ŭ vyhladzie pazbaŭleńnia voli terminam na dva hady i šeść miesiacaŭ sa štrafam 300 bazavych vieličyń (54.000.000 rubloŭ), z pazbaŭleńniem prava zajmacca dziejnaściu, źviazanaj z vykanańniem arhanizacyjna-rasparadčych abaviazkaŭ, terminam na piać hadoŭ.
Na padstavie č. 2, č. 6 art. 72 KK pa sukupnaści złačynstvaŭ, šlacham častkovaha składańnia pakarańniaŭ, Viarbickaj kančatkova pryznačana pakarańnie ŭ vyhladzie troch hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach ahulnaha režymu sa štrafam 300 bazavych vieličyń z pazbaŭleńniem prava zajmacca dziejnaściu, źviazanaj z vykanańniem arhanizacyjna-rasparadčych i administracyjna-haspadarčych abaviazkaŭ, terminam na piać hadoŭ.
Na padstavie art. 8 zakona ab amnistyi Viarbickaja vyzvalena ad pakarańnia častkova terminam na adzin hod.
Viarbickaj da času, kali pryhavor nabudzie moc, źmieniena miera strymańnia z padpiski ab niavyjeździe i naležnych pavodzinach na źmiaščeńnia pad vartu.
Pryhavor moža być abskardžany i apratestavany va ŭstanoŭlenym zakonam paradku.
Sprava datyčyłasia budaŭnictva doma ŭ łandšaftna-rekreacyjnaj zonie, jakaja ŭvachodzić u vodaachoŭnuju zonu «Drazdy».