Latučy ŭniviersitet razam ź viadomym kulturołaham i historykam mastactva Siarhiejem Chareŭskim zaprašaje vypravicca 6 vieraśnia ŭ čarhovaje navukovaje padarožža ŭ pošukach «treciaje biełaruskaje praŭdy».
Maršrut padarožža: Minsk — Mahiloŭ — Mścisłaŭ — Pustynki — Mazałava — Anufryjeva
Hetym razam našaje navukovaje padarožža ŭ pošukach «treciaje biełaruskaje praŭdy» zaviadzie nas tudy, adkul nad Biełaruśsiu ŭzychodzić Sonca. Nas čakaje sustreča ź lehiendarnaj Mścisłaŭskaj ziamloju, krajem, što lažyć na samaj uschodniaj miažy, dzie sivaja daŭnina pasnuła ŭ vieličnych kurhanach.
Tam naradziłasia bahata vybitnych ludziej, jakija ŭsłavili rodny kraj: pieršadrukar Piotar Mścisłaviec, historyk Adam Hanory Kirkor, archiełołahi Michaś Tkačoŭ i Aleh Trusaŭ, padarožniki i hramadskija dziejačy Mikałaj Sudziłoŭski i Alaksandr Estryn, piśmieńnik Maksim Harecki i architektar Leŭ Vitan-Dubiajkoŭski, mastaki Abram Manievič i Izrail Basaŭ, pra jakich my paviadziem svaje hutarki.
Jak stałasia, što niekali bahaciejšy kraj staŭsia krajem našaje ziamli? Čamu mścisłaŭcaŭ nazyvajuć «niedasiekami»? Jakija archieałahičnyja adryćci byli zroblenyja tut? I, urešcie, jakija cudy tut zdaralisia? Pra hetaje i šmat što inšaje buduć našyja razvahi.
Tamsama my ŭbačym staražytnyja manastyry XIV-XVIII stahodździaŭ — u Pustynkach, dzie curčyć śviataja krynica, a niadaŭna adkryŭsia nierukatvorny abraz Chrysta Zbaŭcy, a taksama ŭ Mazałavie i Sialcy, ahledzim šmatlikija pomniki daŭniny ŭ samim staražytnym Mścisłavie: staradaŭnija cerkvy, kaścioły dy sinahohi. Śviatyja krynicy i voziera Śviatoje, zdabytki historyi i kultury, rodnyja miaściny litarataraŭ, historykaŭ, mastakoŭ čakajuć nas.
