Novy tempieraturny rekord vosieni za ŭvieś pieryjad mieteanazirańniaŭ zafiksavany ŭ Biełarusi 1 vieraśnia. U Žytkavičach słupok termomietra ŭźniaŭsia ažno da 35,6 hradusa i heta na 1,9 hradusa vyšej rekorda, zafiksavanaha 8 vieraśnia 2008 hoda ŭ Lelčycach, a taksama na 3,5 hradusa vyšej za raniejšy rekord dnia, pastaŭleny 1 vieraśnia 1992 hoda na mieteastancyi «Paleskaja» ŭ Bresckaj vobłaści.
U Minsku pavietra ŭčora prahrełasia da 31 hradusa pry pieršapačatkovym prahnozie 27-29 i ŭdakładnienym — kala 30. U stalicy taksama abnoŭleny rekord dnia i ŭsioj vosieni (1 vieraśnia 1992 hoda tut było 30,3 hradusa).
Tempieraturnyja rekordy dnia i vosieni pabityja ŭ Breście (34,4 suprać 31,5 hradusa) i ŭ Hrodnie (34,2 suprać 31,5 hradusa). U Homieli pabity rekord dnia — 30,7 hradusa suprać 29,7 u 2004 hodzie.
Pry hetym na poŭnačy krainy była zusim inšaja karcina nadvorja: u Jeziaryščy ŭ Viciebskaj vobłaści było ŭsiaho 16,7 hradusa, u Viciebsku — 20. U rehijonie taksama prajšli daždžy — u roznych rajonach vypała ad 14 da 21 adsotka miesiačnaj normy apadkaŭ.
2 vieraśnia na bolšaj častcy terytoryi Biełarusi zachavajecca śpioka, na poŭdni prahnazujecca da +35. U paŭnočna-zachodnich rajonach prahnazujuć daždžy, miescami navalnicy, pieradaje BiełaPAN.
