Misija Arhanizacyi pa biaśpiecy i supracoŭnictvie ŭ Jeŭropie na ŭschodzie Ukrainy zajaviła pra stratu svajho bieśpiłotnaha latalnaha aparata.
Pavodle aficyjnaj spravazdačy misii, suviaź ź bieśpiłotnikam była stračanaja padčas palotu nad kantralavanym «DNR» nasielenym punktam Soncava. Ustalavać suviaź z aparatam nie ŭdałosia, i, pavodle acenki ABSIE, paliva ŭ bieśpiłotnika pavinna było ŭžo skončycca. «Pavodle aficyjnych pracedur, aparat byŭ abvieščany stračanym», — havorycca ŭ spravazdačy.
Supracoŭniki śpiecyjalnaj manitorynhavaj misii adpravilisia da miesca mierkavanaha padzieńnia bieśpiłotnika, adnak ich spynili ŭzbrojenyja prychilniki «DNR», jakija admovilisia prapuścić naziralnikaŭ.
«Tym nie mienš, na miescy mierkavanaha krušeńnia misija ŭbačyła zharełyja abłomki», — zajavili ŭ ABSE.
