U Chabaraŭsku ŭ himnazii numar 5 adkryŭsia kłas rasijska-karejskaj družby, upryhožany partretami prezidenta RF Uładzimira Pucina i lidaraŭ Paŭnočnaj Karei Kim Ir Siena i Kim Čen Ira, paviedamlaje meduza.io co spasyłkaj na vostokmedia.com.
Na ŭračystaj cyrymonii adkryćcia kłasa družby 1 vieraśnia prysutničali mer Chabaraŭska Alaksandr Sakałoŭ i kiraŭnik miascovaj kancylaryi hienieralnaha konsulstva KNDR na Dalokim Uschodzie Mun Cho.
Na pytańnie žurnalistaŭ, ci nie stanuć kłasy družby ŭ chabaraŭskich škołach krynicaj paŭnočnakarejskaj prapahandy, Mun Cho adkazaŭ: «My chočam, kab dzieci prosta paznajomilisia praz roznyja materyjały z našaj realnaściu. Sapraŭdnaja rečaisnaść pakazvaje, jak u žyćcio uvasobleny idei čučche. Tamu nie treba inšaha tłumačeńnia niama, prosta dzieci na svaje vočy hladziać i sami razumiejuć. I hetaha dastatkova».
Kabiniet aformleny ŭ duchu idej čučche: ničoha lišniaha. Hałoŭnym upryhožvańniem, pavodle zadumy arhanizataraŭ, pavinny słužyć partrety pravadyroŭ. Čamuści ŭ šerahu dvuch pieršych lidaraŭ adnaho z samych zakrytych palityčnych režymaŭ na płaniecie raźmieščany vobraz prezidenta Rasii Uładzimira Pucina.
