4 vieraśnia ŭ dvoryku na płoščy Svabody, 4 u zaklučnym kancercie letniaj sieryi «Zaśpiavaj 2.0» vystupić Maryna Viarenič, a hościem budzie hurt:B:N:
24-hadovaja Maryna Viarenič ź dziesiaci hadoŭ surjozna zajmajecca muzykaj. Jana skončyła vakalnaje adździaleńnie Maładziečanskaha muzyčnaha kaledža imia Ahinskaha, pastupiła na estradnaje adździaleńnie Instytuta sučasnych viedaŭ. Jana aktyŭna i paśpiachova ŭdzielničaje ŭ muzyčnych konkursach i teleprajektach, dajšła da paŭfinała «Akademii talentaŭ» u 2013. Na konkurs «Zaśpiavaj 2.0» u naminacyju «Paezija» jana padała pieśniu «Čamu my strelisia nie ŭ čas» na słovy Taćciany Dziamjanavaj i ŭłasnuju muzyku. I patrapiła ŭ lik finalistaŭ.
U finalnaj sieryi kancertaŭ «Zaśpiavaj 2.0» Marynu Viarenič padtrymaje svaim vystupam hurt :B:N: Adzin ź viadučych hurtoŭ biełaruskaj rok-sceny rychtuje admysłovuju akustyčnuju prahramu, kudy ŭvojduć najlepšyja pieśni z čatyroch numarnych dyskaŭ. Viadoma ž, prahučać «Daždžami», «Nie tryvaj», «Ciahnik», a taksama chity z novaha alboma «Šukaj svajo».
