nistru.net
Prezident samabvieščanaj Prydniastroŭskaj Małdoŭskaj Respubliki Jaŭhien Šaŭčuk paviedamiŭ, što ŭ bližejšy čas namieśnik staršyni ŭrada Prydniastroŭja pa pytańniach mižnarodnaha supracoŭnictva, ministr zamiežnych spraŭ Nina Štanski «sydzie na inšuju pracu i spynić vykonvać abaviazki ministra», a ŭ MZS źjavicca novy kiraŭnik.
Nina Štanski nasamreč stanie pieršaj łedzi niepryznaha Prydniastroŭja.
Razmovy ab ich suviazi chadzili vielmi daŭno, palityki časta jeździli ŭ kamandziroŭki razam, pa ŭsich pytańniach Štanski była pravaj rukoj Šaŭčuka. Adnak čutki jany nijak nie kamientavali, bolš za toje - na ich nie źviartali ŭvahi.
Vypusknica jurfaka Prydniastroŭskaha dziaržaŭnaha univiersiteta imia Šaŭčenki ŭ palitycy z 2002 hoda. Siem hadoŭ pracavała ŭ «viarchoŭnym saviecie» respubliki na roznych pasadach, u tym liku pamočnika i daradcy staršyni. Z 2009 hoda vykładała historyju ŭ VNU. Była daradcam Jaŭhiena Šaŭčuka, tady deputata Viarchoŭnaha savieta PMR. A paśla taho jak Šaŭčuk byŭ abrany prezidentam Prydniastroŭskaj respubliki, stała ministram zamiežnych spraŭ. I ŭvieś hety čas prytrymlivałasia prarasijskaj pazicyi.
