Aktyvisty mižnarodnaha hramadskaha abjadnańnia «Alternatyva» (zarehistravanaje ŭ Łatvii) 31 žniŭnia praviali ŭ Minsku akcyju suprać raźmiaščeńnia ŭ Biełarusi rasijskich vajennych baz.
Jak paviedamiŭ lidar «Alternatyvy» Aleh Korban, prykładna ŭ 13.30 aktyvisty vyviesili raściažku z nadpisam «Rasijskija vajskoŭcy — ruki preč ad Biełarusi» ŭ padziemnym pierachodzie cieraz praśpiekt Niezaležnaści kala hałoŭnaha korpusa Biełaruskaha nacyjanalnaha techničnaha ŭniviersiteta.
Pavodle słoŭ Korbana, abyšłosia bieź incydentaŭ z pravaachoŭnymi orhanami i biez zatrymańniaŭ udzielnikaŭ akcyi.
«My vystupili suprać znachodžańnia na terytoryi Biełarusi rasijskich vajennasłužačych. Apošnim časam viaducca hutarki pra novyja rasijskija vajennyja abjekty. My suprać hetaha, tamu što nieviadoma, jak heta ŭsio ažyćciaŭlajecca. My aścierahajemsia, što pavodle žadańnia Kramla ŭ nas moža źjavicca i jadziernaja zbroja», — zajaviŭ lidar abjadnańnia.
