Pravaachoŭniki zatrymali złamyśnika, jaki kala budynka parłamienta kinuŭ u šerahi pravaachoŭnikaŭ bajavuju hranatu. Pra heta paviedamiŭ načalnik HUMVD Ukrainy ŭ Kijevie Alaksandr Cieraščuk.
«Vyjavili, chto kinuŭ hranatu. Jaho zatrymali, ciapier vyśviatlajem asobu», — skazaŭ Cieraščuk.
U Kijevie ŭ sutyknieńniach la Viarchoŭnaj Rady siońnia, 31 žniŭnia, było paraniena 90 čałaviek. Pra heta na svajoj staroncy ŭ fejsbuku paviedamiŭ ministr unutranych spraŭ Arsien Avakaŭ.
«Kala 90 paranienych pad Radaj, u tym liku niekalki čałaviek u ciažkim stanie. Heta vynik kinutych niekalkich vybuchovych pryład z boku ludziej u futbołkach partyi «Svabody», što ŭčynili bojku z Nachvardyjaj pad VR.
Spadar Ciahnibok, čym «Svaboda» adroźnivajecca ad padonkaŭ, jakija stralajuć u našych hvardziejcaŭ na froncie?!
Nijakija palityčnyja mety nie apraŭdvajuć taho, što vy ździejśnili siońnia pad Radaj. Vy pryviali z saboj pad Radu nie mitynh z palityčnymi roznahałośsiami — vy pryviali padonkaŭ, jakija paranili ŭ tym liku bolš za piatnaccać bajcoŭ, jakija prajšli front! Čaćviora bajcoŭ ź vielmi ciažkimi traŭmami vačej, žyvata, šyi i noh…
Čamu my pavinny trymać u Kijevie bajavych chłopcaŭ? Suprać Vas i vašych ambicyj? Čamu sałdaty pavinny atrymlivać ranieńni ad pravakataraŭ pad vašymi ściahami ŭ centry Kijeva, za 1000 km ad frontu!? Adkaz — tamu, što vy dziejničajcie złačynna i niedapuščalna.
Rasśledavańnie i pakarańnie buduć niaŭchilnymi. Zatrymana ŭžo kala 30 čałaviek. Buduć jašče. Hranatamiotčyk złoŭleny — u jaho kanfiskavanyja hranaty, u tym liku hranata maksimalnaj parazy f1.
Ja prašu ŭ hramadstva poŭnaj padtrymki maksimalna žorstkaha pakarańnia tych, chto ŭčyniŭ heta ŭ centry stalicy! Kali my ŭsie razam nie adreahujem — kraina budzie apuskacca ŭ chaos, pad dyktoŭku niahodnikaŭ z hranatami. Usiamu jość miaža — miaža sprečak i miaža dyskusij… Ale kidać hranaty pa svaich hvardziejcach, jakija pryjšli z frontu — heta nie palityka, heta antyŭkrainskaja vajna niahodnikaŭ, jak by jany siabie nie nazyvali!» — napisaŭ Avakaŭ.
