Novaja akcyja časopisa Arche prymierkavanaja da pačatku novaha navučalnaha hoda i pasłužyć tym, chto choča hruntoŭna ŭzbahacić svaje viedy ab Biełarusi.
Vašaj uvazie prapanujecca try knihi, vydadzienyja ŭ čatyroch tamach i ćvierdych vokładkach, ahulnym abjomam amal u 4300 staronak, jakija pa cenzurnych pryčynach nie mahli być apublikavanyja dziaržaŭnym vydaŭcom navat u postsavieckaj Biełarusi.
Dvoje z troch aŭtaraŭ zhadanych knih byli fizična źniščany savieckim režymam. Treciamu, Antonu Adamoviču, kab uratavacca, daviałosia pabyć i savieckim sieksotam, i niamieckim kałabarantam. Ale canoj vyžyvańnia było toje, što jon ad 1943 i svajoj śmierci 1998 hodzie ŭžo nikoli nie pabačyŭ Biełarusi.
Značnaść knih, vystaŭlenaja na rasprodaž, dvajakaja. Z adnaho boku, sa źmieščanych u ich daśledavańniaŭ pačałasia akademičnaja navuka ab biełaruskaj litaratury. U ich vy znojdziecie pieršyja hruntoŭnyja narysy pra vialikaha kniazia Vitaŭta, Kastusia Kalinoŭskaha, ci historyi chryścijanstva na biełaruskich ziemlach. Źmieščany taksama pieršyja sproby adaptacyi biblijnych tekstaŭ na biełaruskaj movie.
Z druhoha boku ich aŭtary byli nie tolki prafiesijnyja navukoŭcy — jany byli haračymi biełaruskimi patryjotami. Tamu druhoje pryznačeńnie apublikavanych tvoraŭ — nie tolki šyryć viedy pra Biełaruś, ale i pryščaplać lubaść i zamiłavańnie da jaje.
U ramkach akcyi, jakaja praciahniecca da 11 vieraśnia, možna nabyć:
Da historyi biełaruskaje litaratury / Anton Adamovič. — Mn.: IP Źmicier Kołas, 2005. — 1464 s.
U hetym vydańni, jakoje znajomić čytača z małaviadomymi staronkami historyi biełaruskaj litaratury, u chranalahičnym paradku źmieščana pieravažnaja balšynia materyjałaŭ, jakija možna adnieści da litaraturaznaŭčaj spadčyny Antona Adamoviča (1909 – 1998). Pad adnoj vokładkaj sabranyja teksty, napisanyja hetym daśledčykam u pieradvajenny peryjad žyćcia ŭ BSSR, pad čas znachodžańnia pad niamieckaj akupacyjaj i ŭ paślavajennaj emihracyi. Vydańnie zabiaśpiečana imiennym pakaźnikam, a taksama kamentarami aŭtarstva Valera Bułhakava i Sofji Bahamji, u jakich miž inšaha tłumačacca pryncypy i sposaby tekstalahičnaj apracoŭki aryhinałaŭ.
Poŭny źmiest vydańnia dastupny TUT.
Stankievič, Adam. Z Boham da Biełarusi. Zbor tvoraŭ / Ukł., navukovaja redaktura, kament., pradm. Aleś Paškievič, Andrej Vaškievič. – Vilnia: İnstytut biełarusistyki, 2008. – 1098 s. Ćv. vokł.
U hetym vydańni ŭpieršyniu sabranyja pad adnoj vokładkaj navukovyja i navukova-papularnyja pracy adnaho z najbolš vydatnych dziejačoŭ biełaruskaha nacyjanalnaha ruchu 1-aj pałovy XX st. ksiandza Adama Stankieviča (1891 – 1949), jakija vychodzili pry jahonym žyćci asobnymi vydańniami. Na staronkach knihi Adam Stankievič vystupaje nia tolki jak daśledčyk i papularyzatar minułaha svajoj ziamli, ale i jak ideolah nacyjanalnaha adradžeńnia, jak ryma-katalicki śviatar – pierakanany prychilnik relihijnaha ekumenizmu, jak pedahoh-aśvietnik i jak palityčny dziejač. Asnoŭny źmiest bolšaści pracaŭ – historyja ŭźniknieńnia i raźvićcia idei biełaruskaha nacyjanalnaha vyzvaleńnia, jakaja razhladajecca ŭ ščylnaj uzajemasuviazi z praniknieńniem i pašyreńniem u Biełarusi chryścijanskaj viery. Niekalki źmieščanych na staronkach vydańnia tekstaŭ majuć pieradusim relihijny charaktar. Akramia taho, u dadzieny zbor tvoraŭ uklučanyja pramovy ksiandza A. Stankieviča, skazanyja im padčas vykanańnia abaviazkaŭ deputata polskaha Sojmu ŭ 1920-ch hh., prajekty pa reformie Katalickaha kaścioła ŭ Biełarusi, padavanyja Stankievičam savieckim uładam u 2-oj pałovie 1940 hh., a taksama kalandarnyja dziońnikavyja zapisy, jakija rabilisia ksiandzom na praciahu 1937 – 1948 hh. i cudam acaleli paśla jahonaha aryštu. U jakaści dadatku da tekstaŭ, jakija naležać piaru samoha Adama Stankieviča, dałučanyja materyjały jubilejnaj knihi, vydadzienaj namahańniami jahonych siabroŭ i adnadumcaŭ u 1940 h. u Vilni. Vydańnie zabiaśpiečana pradmovaj i navukovymi kamentarami, padrychtavanymi historykami Andrejem Vaškievičam i Alesiem Paškievičam.
Poŭny źmiest vydańnia dastupny TUT.
Zbor tvoraŭ u dvuch tamach: Tom 1. Litaraturna-krytyčnyja pracy / Adam Babareka. — Vilnia: Instytut biełarusistyki; Biełastok: Biełaruskaje histaryčnaje tavarystva, 2011. — 939 s.
Amal što poŭny zbor tvoraŭ viadomaha mižvajennaha biełaruskaha litaraturaznaŭcy byŭ pryznany lepšym knižnym vydańniem 2011 hoda pavodle viersii haziety «Naša Niva». Mnohija materyjały na staronkach knihi drukujucca ŭpieršyniu dziakujučy tamu, što ŭ składanych varunkach stalinskaha teroru 1930-ch hh., achviaraj jakoha siarod mnohich inšych staŭ i Adam Babareka, jahonaj siamji ŭdałosia cudam zachavać rukapisny archiŭ piśmieńnika i navukoŭca (situacyja ŭ vypadku z represavanymi biełaruskimi litaratarami amal unikalnaja).
Poŭny źmiest vydańnia dastupny TUT.
Zbor tvoraŭ u dvuch tamach: Tom 2. Proza, paezija, filazofija, publicystyka, zapisnyja knižki, dziońniki, listy / Adam Babareka. — Vilnia: Instytut biełarusistyki, 2011. — 726 s.
Amal što poŭny zbor tvoraŭ viadomaha mižvajennaha biełaruskaha litaraturaznaŭcy byŭ pryznany lepšym knižnym vydańniem 2011 hoda pavodle viersii haziety «Naša Niva». Mnohija materyjały na staronkach knihi drukujucca ŭpieršyniu dziakujučy tamu, što ŭ składanych varunkach stalinskaha teroru 1930-ch hh., achviaraj jakoha siarod mnohich inšych staŭ i Adam Babareka, jahonaj siamji ŭdałosia cudam zachavać rukapisny archiŭ piśmieńnika i navukoŭca (situacyja ŭ vypadku z represavanymi biełaruskimi litaratarami amal unikalnaja).
Poŭny źmiest vydańnia dastupny TUT.
* * *
Tolki da 11 vieraśnia kamplekt z usich vydańniaŭ možna zamović za paŭcany, dasłaŭšy elektronny list na adras [email protected] abo pazvaniŭšy na teł. (29) 5507969.
Cana za ŭvieś kamplekt — 199 tys. (samavyvaz) abo 269 tys. (dastaŭka poštaj ci kurjeram, kurjer pracuje tolki pa Miensku i vakolicach).
U ramkach akcyi možna zamović lubyja dźvie knihi za 159 tys. (samavyvaz) abo 209 tys. (dastaŭka poštaj ci kurjeram) ci adno vydańnie za 99 tys. (samavyvaz) abo 159 tys. (dastaŭka poštaj ci kurjeram). Samavyvaz adbyvajecca z stancyi mietro «Kamiennaja horka» ŭ Miensku.
Zamaŭlajučy vydańni, u poli «Tema» paznačajcie «Vialikija knihi». U liście treba paznačyć svaje dakładnyja kaardynaty: paštovy adras, indeks, proźvišča i inicyjały, a taksama telefon dla kamunikacyi. Prapanova dziejničaje tolki na terytoryi Respubliki Biełaruś.
