najbližejšyja vychadnyja prahnazujecca pa-letniamu ciopłaje kamfortnaje nadvorje, paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
Pavodle jaho słoŭ, u subotu nočču ŭmovy nadvorja na terytoryi Biełarusi budzie vyznačać małaaktyŭny frantalny raździeł, dniom u asnoŭnym adabjecca ŭpłyŭ vobłaści pavyšanaha atmaśfiernaha cisku. Nočču miescami, dniom pa poŭnačy nievialikija karotkačasovyja daždžy, u asobnych rajonach navalnicy. Tempieratura pavietra nočču plus 10—16°S, pa paŭdniovym uschodzie plus 17—20°S, dniom plus 20—26°S. U Minsku pieramiennaja vobłačnaść, nočču mahčymy nievialiki karotkačasovy doždž, dniom bieź istotnych apadkaŭ. Viecier paŭnočna-zachodni 5—10 m/s. Tempieratura pavietra nočču plus 12—14°S, dniom plus 22—24°S.
U niadzielu nadvorje ŭ krainie budzie vyznačać antycykłon, jaki źmiaščajecca z Zachodniaj Jeŭropy. Biez apadkaŭ. Tempieratura pavietra nočču plus 7—14°S, dniom plus 20—27°S, pa paŭdniovym zachadzie plus 28—30°S. U Minsku pieramiennaja vobłačnaść, biez apadkaŭ. Tempieratura pavietra nočču plus 9—11°S, dniom plus 23—25°S.
Jak adznačyŭ Rabaŭ, u paniadziełak nadvorje budzie spryjalnym dla praviadzieńnia śviatočnych školnych mierapryjemstvaŭ: pieravažna biez apadkaŭ, tolki dniom pa poŭnačy adabjecca ŭpłyŭ małaaktyŭnaha frontu, tamu tam miescami mahčymy karotkačasovyja daždžy. Tempieratura pavietra nočču plus 7—14°S, pa paŭdniovym zachadzie plus 15—17°S; dniom plus 22—29°S, pa paŭdniovym zachadzie plus 30—33°S. U Minsku pieramiennaja vobłačnaść, biez apadkaŭ. Tempieratura pavietra nočču plus 11—13°S, dniom plus 26—28°S.
