U Hramadskaj pałacie RF prapanavali zabaranić prodaž ałkaholu paśla 18.00 i da 9.00, paviedamlaje hazieta «Iźviestija».
izvestia.ru
Staršynia savieta HP pa abaronie hramadzian ad narkotykaŭ, ałkaholnaj i tytuniovaj zaležnaści Sułtan Chamzajeŭ adpraviŭ list z hetaj prapanovaj u Rasałkaholrehulavańnie. Jon zajaviŭ, što ŭ rehijonach, dzie dadatkovyja abmiežavańni pracujuć, ludziej, jakija pakutujuć na ałkahalizm, mienš.
«Pa takim šlachu pajšli Respublika Adyhieja, Buracija, Dahiestan, Prymorski, Staŭrapolski krai, Amurskaja, Archanhielskaja, Uładzimirskaja vobłaści i šerah inšych rehijonaŭ. Jak pakazvaje praktyka, u rehijonach, dzie dziejničajuć dadatkovyja abmiežavańni času prodažu ałkaholu, značna nižejšy ŭzrovień bytavoj złačynnaści i inšych pravaparušeńniaŭ, jakija ździajśniajucca ŭ stanie ałkaholnaha apjanieńnia, a taksama nižejšy uzrovień śmiarotnaści z-za złoŭžyvańni ałkaholem», — napisaŭ Chamzajeŭ. Naprykład, u Murmanskaj vobłaści aficyjna ałkaholezaležnych ludziej (jakija stajać na ŭliku) adčuvalna mienš, čym u siarednim pa Rasii, — 853 čałavieki na 100 tysiač nasielnictva suprać 1155, — i Chamzajeŭ źviazvaje heta z tym, što ałkahol tam nielha kupić z 9 viečara da 11 ranicy.
Na dumku Chamzajeva, dadatkovyja abmiežavańni prodažu ałkaholu pa časie ŭbierahuć rasiejcaŭ ad spantannych pakupak — i, adpaviedna, ŭžyvańnia — ałkaholu paśla pracy. Jak vynik, raźličvaje jon, uzrovień złačynnaści i bytavoha hvałtu pavinien taksama źnizicca.
Zaraz na prodaž ałkaholu ŭ roźnicu ŭžo stajać fiederalnyja abmiežavańni - z 23.00 da 8.00, - ale subjekty Fiederacyi maje prava samastojna ich rabić bolš žorstkimi.
