Lidary biełaruskaj apazicyi praviaduć 28 žniŭnia ŭ Minsku pres-kanfierencyju, paviedamiła pres-słužba Abjadnanaj hramadzianskaj partyi (AHP).
U mierapryjemstvie voźmuć udzieł eks-kandydaty ŭ prezidenty na vybarach 2010 hoda Mikałaj Statkievič i Uładzimir Niaklajeŭ, staršynia AHP Anatol Labiedźka i sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec.
Pavodle źviestak BiełaPAN, na pres-kanfierencyi budzie acenienaja ŭnutrypalityčnaja situacyja i pradstaŭlenaja ahulnaja prahrama dziejańniaŭ u miežach biahučaj prezidenckaj kampanii. Pavodle najaŭnaj infarmacyi, udzielniki pres-kanfierencyi zajaviać ab tym, što ŭžo siońnia vybary možna pryznać nieprazrystymi, niesvabodnymi i niedemakratyčnymi, i zapatrabujuć spynić vybarčuju kampaniju. Usim pretendentam na prezidenckuju pasadu budzie prapanavana dałučycca da hetaha patrabavańnia.
Nahadajem, pra toje, što ŭ bližejšyja dni apazicyja pradstavić ahulnuju stratehiju dziejańnia na vybarach, zajaŭlaŭ Mikałaj Statkievič, jaki vyzvaliŭsia z mahiloŭskaj turmy 22 žniŭnia pa rašeńni kiraŭnika dziaržavy.
