U Biełarusi pavialičanyja hraničnyja maksimalnyja adpusknyja ceny na vuhlevadarodnyja zvadkavanyja paliŭnyja hazy dla kamunalna-bytavoha spažyvańnia, pryznačanyja dla realizacyi na terytoryi krainy.
Adpaviednaja pastanova Ministerstva ekanomiki ad 19 žniŭnia 2015 hoda numar 50 «Ab uniasieńni źmianieńnia ŭ pastanovu Ministerstva ekanomiki Respubliki Biełaruś ad 31 studzienia 2013 h. numar 10» apublikavana siońnia na Nacyjanalnym pravavym internet-partale.
Tak, adpusknaja cana 1 t hazu dla kamunalna-bytavoha spažyvańnia, jaki realizujecca arhanizacyjam, što ŭvachodziać u skład DVA «Biełpalivahaz», na ŭmovach «franka-adpraŭleńnie» składaje Br2 młn 680 tys. 646, na ŭmovach «franka-skład arhanizacyi-vytvorcy» — Br2 młn 672 tys. 513.
Što datyčycca adpusknoj cany na haz, jaki realizujecca arhanizacyjam, što nie ŭvachodziać u skład DVA «Biełpalivahaz», to jana farmirujecca z ulikam kanjunktury rynku.
Adpusknaja cana na haz dla zapraŭki ŭ bałony, jaki realizujecca jurydyčnym asobam i indyvidualnym pradprymalnikam na ŭmovach «franka-skład arhanizacyi-vytvorcy», składaje Br2 młn 825 tys. 538 za 1 t.
Pastanova ŭstupaje ŭ siłu paśla jaje aficyjnaha apublikavańnia.
